影片
更多
2024-05-26
40 瀏覽
去完旅行連續食咗五日泰菜，有啲想食下中菜，即刻同屋企人食返餐。呢度款式好多，我哋點完餸先發現原來餐廳出咗啲新菜式好吸引，我見隔籬枱叫咗蟹粉賽螃蟹多士、飄香鳳梨雞個樣好似好正，下次一定再嚟食。松子雞米叉子 $98呢個幾有驚喜，雞肉碎碎好惹味，加入左一啲爽口馬蹄、青紅椒粒同埋松子，盡情咁填滿叉子燒餅，好好食。韮黃炒鱔糊 $118好有鑊氣，鱔糊好香，材料都幾足，好多鱔肉，唔腥冇雪味，加上爽脆香口嘅鮮嫩韭黃，好惹味。彩麻柚子蝦 $148有六大隻蝦，肉質超級爽口彈牙，配上清新清柚子玻璃芡汁，我好鍾意。上海小籠包 $46小籠包鄙薄餡靚，筷子夾起都唔會穿，大大包肉湯配上薑絲鎮江醋，好和味。上海大雲吞 $62雲吞皮薄餡靚，菜同肉嘅比例啱啱好，清淡得來又幾夠味。黄金炒飯 $88好有鑊氣，飯粒粒分明，軟硬適中，最重要係每粒飯都被蛋汁包住，我覺得應該仲有鹹蛋黃，味道充滿蛋香之餘又甘香。配料仲有好多蝦仁火腿洋蔥，成個飯味道好豐富。上海粗炒 $85上海粗炒熱辣辣，幾入味，每條粉都充滿醬油香氣，軟硬適中，配上一啲鮮嫩肉絲、椰菜、白菜、冬菇，又係好經典嘅上海菜式。豆沙鍋餅 $55呢個甜品都係即整嘅，熱辣辣，窩餅煎得
松子雞米叉子 $98
呢個幾有驚喜，雞肉碎碎好惹味，加入左一啲爽口馬蹄、青紅椒粒同埋松子，盡情咁填滿叉子燒餅，好好食。
韮黃炒鱔糊 $118
好有鑊氣，鱔糊好香，材料都幾足，好多鱔肉，唔腥冇雪味，加上爽脆香口嘅鮮嫩韭黃，好惹味。
彩麻柚子蝦 $148
有六大隻蝦，肉質超級爽口彈牙，配上清新清柚子玻璃芡汁，我好鍾意。
上海小籠包 $46
小籠包鄙薄餡靚，筷子夾起都唔會穿，大大包肉湯配上薑絲鎮江醋，好和味。
上海大雲吞 $62
雲吞皮薄餡靚，菜同肉嘅比例啱啱好，清淡得來又幾夠味。
黄金炒飯 $88
好有鑊氣，飯粒粒分明，軟硬適中，最重要係每粒飯都被蛋汁包住，我覺得應該仲有鹹蛋黃，味道充滿蛋香之餘又甘香。配料仲有好多蝦仁火腿洋蔥，成個飯味道好豐富。
上海粗炒 $85
上海粗炒熱辣辣，幾入味，每條粉都充滿醬油香氣，軟硬適中，配上一啲鮮嫩肉絲、椰菜、白菜、冬菇，又係好經典嘅上海菜式。
豆沙鍋餅 $55
呢個甜品都係即整嘅，熱辣辣，窩餅煎得有少少金黃香脆，裏面係軟綿綿嘅紅豆餡，甜度都繼續留適中。
張貼
