韓屋

營業中

休息中

今日同朋友約左去尖沙咀食韓國餐，佢最出名係餃子，有煎同蒸，我兩個都叫黎食。我記得好耐之前都食過一次了。但因為之後住得比較遠，所以無再過黎食。竟然今次又揀中呢間餐廳。我叫左個醬炒牛肉石鍋芝士伴飯🩷🩷🩷🩷🩷值得一讚佢係用咗紅米飯比較健康，而且佢加左有啲蘿蔔絲翠玉瓜同埋菇類，再配埋炒好嘅牛肉加芝士。再倒埋啲韓式辣汁撈埋一齊，真係好惹味，仲食到啲飯蕉香味。蒸泡菜餃子 🩷🩷🩷🩷🩷佢啲餃子個皮蒸完好煙靭，同埋皮薄餡靚，又多汁，而且佢啲泡菜味夠辣，值得一試。煎醬牛小排餃子🩷🩷🩷🩷🩷有五隻好大隻既餃子，同埋佢裏面啲餡料好足料，同埋都食到啲牛肉餡都好多肉汁。最後梗係叫返兩罐我最愛嘅韓國飲品啦，佢呢個雪梨汁裏面有一粒粒嘅果肉好正，同埋佢個青提子汁都係有果肉，食到一粒粒嘅提子肉。依然keep到水準，今餐食到好飽我滿足。