盛意小館點心粥麵

營業中

休息中

今日去咗呢一間新開張嘅餐廳飲茶，咁啱同朋友去尖沙咀shopping，佢又話想飲茶，就上網搵到呢一間新開嘅餐廳！餐廳座位都幾闊落，坐落都幾舒服，唔會太迫，我同朋友都非常鍾意呢個感覺！我哋叫咗幾個點心大家食，首先想推介下佢嘅蝦餃，蝦餃皮薄餡靚，每一隻蝦晶瑩剔透，咬落去都非常爽口彈牙，而家個價錢嚟講，CP值算係非常高！我同朋友都非常有驚喜！荔枝龍眼蝦球，亦都非常特別，第一次食到呢個呢一個配搭，炸得唔會太乾，甜甜地識落都幾好食，我同朋友都幾鍾意佢嘅調味，味道上非常特別，鍾意食炸嘢嘅朋友，不妨一試！小籠包一咬落去，亦都所有湯汁出晒嚟，非常鮮甜，豬肉嘅餡料亦都非常豐滿，咬落去熱辣辣非常正，食得出係即叫即蒸！份量都有四隻非常多，好鬼抵食！炸魷魚鬚，同出邊大排檔食到嘅質素差唔多，非常香脆，鍾意食炸魷魚鬚，嘅朋友絕對唔可以錯過！鮮蝦腸粉都做得非常滑，韭黃同埋鮮蝦嘅配搭非常好食，忍唔住食完一件又一件！總括嚟講呢一間餐廳嘅價錢非常抵食，同朋友有機會下次都可以嚟呢一邊飲茶，店員亦都非常友善，正！值得推介