狎鷗亭居酒屋

營業中

休息中

呢間韓國菜向幾年前已經嚟過食，突然想食韓國嘢於是就諗返起狎鷗亭，地點雖然難搵少少，但為左佢嘅嘢食係值得嘅。佢嘅前菜有6款，有泡菜，芽菜，炒魚仔，菠菜，魚糕等等，個人最喜歡就係菠菜同泡菜！！醬油蟹 - 店員介紹係每星期空運到港，所以心郁郁太耐冇食過就試下先，估唔到蟹膏都好多，店員仲幫我地將蟹膏拌飯，蟹膏非常鮮甜，拌飯簡直一流。辣炒魷魚五花肉 - 用鐵板上，唔算太辣，五花肉同魷魚完全索哂味，完全係下酒菜。益力多燒酒 - 益力多嘅味道太易入口，令人不自覺地愈飲愈多。