金色不如帰 (H Zentre)

營業中

休息中

今日去咗位於尖沙咀舊SOGO附近嘅商場見到有一間喺東京攞米芝蓮嘅蜆肉湯拉麵餐廳，見今日唔係好肚餓就去試吓。餐廳以木系裝修，一入去已經有三個比較私隱度高嘅卡位坐，可以兩個人靜靜地談心。再行入啲樓底非常高，可選擇坐落地玻璃或者Bar枱。大根牛筋味噌煮 美食拉麵先嗌個前菜頂下胃，牛筋同牛腩非常新鮮，燜到好腍，非常入味。份量非常大份。背汁醬油拉麵由牛肝菌油、牛肝菌粉、再以煲成的蜆肉、豬骨同魚湯底混合而成。未撈混牛肝菌油、牛肝菌粉及黑松露醬時，蜆肉味非常濃郁、好清甜帶鮮味。撈晒所有醬後，提升了蜆肉的鮮味更加出。再配上三塊低溫煮成的叉燒，非常滿足。牡蠣白湯拉麵套餐 （新出品）比蜆肉湯拉麵更加濃郁，更加鮮味。湯飲落啖啖蠔肉味，喜歡食蠔嘅人絕對要試試。湯底呈白色，加上牡蠣醬、鮮牡蠣油、喺湯底裏面令湯更加出味。再配上火箭菜、慢煮叉燒及醬漬蠔，唔會覺得滯及膩。套餐可選輕盈蟹籽沙律或者自家製豚肉煎餃（三隻）。另外五款飲品，可自選一款。我個人比較健康，就揀咗白桃焙茶。