影片
更多
2025-05-16
73 瀏覽
尖沙咀搵食，厚福街都幾多野食！行過原來開左間新米線，try左都唔錯。店舖環境乾淨企理，簡單親切，職員服務貼心，點餐又快又準。價錢好親民！$50-$60有咁正嘅米線同小食，尖沙咀喎！性價比算幾高！🍜 招牌豬扒酸酸辣辣銅鍋米線 $55 呢款招牌米線真係酸辣控嘅最愛！叫咗中辣，個人覺得辣度啱啱好。唔食得辣嘅朋友建議由BB辣開始，佢有6個辣度任揀。湯底香辣惹味，唔同南記或譚仔嘅辣，帶內地香料嘅獨特風味，可能就係昆明媽媽既風味！入面有肉碎、芽菜、腐皮、酸菜、木耳絲同甜酸菜，食材多，米線滑溜吸晒湯汁，食完暖胃滿足！豬扒另外上，一大塊，外脆內嫩，唔會乾柴，正！🌶️🍲 蟲草花椰子雞米線 $62 唔想食辣？椰子雞米線係好選擇！湯底椰香濃郁，微微creamy但唔會膩，真材實料，唔會淡如水！有蟲草花、紅棗同木耳，湯頭鮮甜滋補，雞肉嫩滑多汁，米線吸滿椰香🥥🍗🥟 炸脆脆蝦膠豆卜 (3/5粒 $25/$38) 呢款小食好有驚喜！豆卜炸到金黃乾身，咬落索索聲，似長洲街頭嘅炸豆卜，香脆唔油膩！入面滿滿蝦膠，仲有成隻鮮蝦，蝦膠彈牙鮮甜，蝦肉juicy有咬口，食完真想再叫一客！🦐💛下次行過尖沙咀行街搵食值得一試！👍😋
行過原來開左間新米線，try左都唔錯。
店舖環境乾淨企理，簡單親切，
職員服務貼心，點餐又快又準。
價錢好親民！
$50-$60有咁正嘅米線同小食，尖沙咀喎！
性價比算幾高！
🍜 招牌豬扒酸酸辣辣銅鍋米線 $55
呢款招牌米線真係酸辣控嘅最愛！
叫咗中辣，個人覺得辣度啱啱好。
唔食得辣嘅朋友建議由BB辣開始，
佢有6個辣度任揀。
湯底香辣惹味，唔同南記或譚仔嘅辣，
帶內地香料嘅獨特風味，可能就係昆明媽媽既風味！
入面有肉碎、芽菜、腐皮、酸菜、木耳絲同甜酸菜，
食材多，
米線滑溜吸晒湯汁，食完暖胃滿足！
豬扒另外上，
一大塊，外脆內嫩，唔會乾柴，正！🌶️
🍲 蟲草花椰子雞米線 $62
唔想食辣？椰子雞米線係好選擇！
湯底椰香濃郁，微微creamy但唔會膩，
真材實料，唔會淡如水！
有蟲草花、紅棗同木耳，湯頭鮮甜滋補，
雞肉嫩滑多汁，米線吸滿椰香🥥🍗
🥟 炸脆脆蝦膠豆卜 (3/5粒 $25/$38)
呢款小食好有驚喜！
豆卜炸到金黃乾身，咬落索索聲，似長洲街頭嘅炸豆卜，
香脆唔油膩！
入面滿滿蝦膠，仲有成隻鮮蝦，
蝦膠彈牙鮮甜，蝦肉juicy有咬口，
食完真想再叫一客！🦐💛
下次行過尖沙咀行街搵食值得一試！👍😋
張貼
