春城銅鍋米線 (厚福街)

呢間米線OMW同同事無論堂食定外賣都食咗無數次，真心好正，佢無論係湯底、配料、配菜都好好味，食得出佢嘅用心，而且無論食辣、唔食辣嘅都可以食呢間。 🍗配料 （至少兩餸）呢度啲餸好高質！平時OMW嗌香炸豬扒、五香牛展，而今次嗌咗雞肉。💯香炸豬扒好好食，一塊勁大塊，係厚切果種，冇用粉炸，貼心地剪咗，分開上，不會太乾/太咸，肉質頗軟腍，好入味！同事話堂食更好食，OMW就覺得外賣嘅已經好好味，我覺得係呢度必食！💯五香牛展又係好上色、好入味，有3塊（份量唔算好多），味道係恰到好處嘅鹹；口感係啱啱好，唔會煮到爛晒，仲保留倒中間果種膠質感，好正。💯雞肉。唔知有冇人同OMW一樣好唔鍾意啲有膻味嘅雞，呢度嘅雞肉合格，似係新鮮雞（都有可能係有處理得好好嘅冰鮮雞，但似新鮮），有雞味，係好食嘅雞。🉑 唐揚炸雞件，佢新開嘅時候我會叫，有5大粒。不過食咗兩三次之後突然變鹹，因為太鹹之後冇再食lu，但跟米線個價錢有5粒真係好抵，唔怕鹹可以試吓。🉑其他餸推介：我見同事仲會叫蠔仔、螺旋藻，仲有蟲草花椰子雞米線，可以試吓。 🥬米線與配菜米線質感同平時食嘅差唔多，唔會過淋。呢度嘅米線本身有跟：生菜、木耳絲、肉碎、(腐皮)、芽菜、甜酸菜。平時OMW會走芽菜、甜酸菜，腐皮好似見唔到，其他嘅都好唔錯，OMW覺得用高質嚟形容都唔誇張。🉑生菜，雖然個menu冇寫，但平時都會跟一片生菜，唔算好完整，但算叫唔使加錢有菜食。💯木耳絲：好爽脆，增加口感！💯肉碎：好明顯係新鮮豬肉，而且冇碎骨。 💯春城麻辣銅鍋米線 🍜湯底：麻辣湯底（小辣）OMW食開小辣，佢個麻辣好正、好好味，暫時係OMW排名No.1嘅麻辣湯底！食落係有層次嘅麻辣，辣度主要係靠面頭嘅辣油，所以食到尾會冇咁辣咁。如果第一次食呢間麻辣，一定建議BB辣先，之後再加上去🔥辣感真係好個人，畀大家參考返，呢間我食開小辣，譚仔食開五小/三小。除咗麻辣，仲有酸酸辣辣銅鍋米線，大多數同事都係嗌呢個。如果唔食得辣嘅同事，會嗌清湯或者蟲草花椰子雞米線～ 🉑飲品特別想highlight返: 呢度檸檬利賓納同其他嘢飲同價，好吸引！ 💜總結：呢度畀OMW感覺係一間用心對待食材，尊重食物嘅餐廳。啲嘢好食，但價錢就$75-$120。我又要講返果句：如果好食嘅話，畀多少少錢都抵。另外，堂食真係用銅鍋上米線，打卡able! 不過食呢間我只係為咗食好食嘅嘢啦😌 💜溫馨提示：堂食嘅話，Lunch都會有人排隊，預返時間，或者早少少。左邊果排有個位冷氣機滴水，唔知整返好未呢？坐低前睇清楚先坐😜 📍 春城銅鍋米線 (💯外賣-尖沙咀)>尖沙咀厚福街6號地舖>香港旺角砵蘭街175號地舖 ✨亮點：無論係麻辣湯底、跟米線嘅配菜，定係可以揀嘅餸都好高質，好好食！Go！ 🙇🏻‍♀️特別嗚謝：勞苦功高、日曬雨淋嘅外賣員！ 💡長知識時間：問：春城即係中國邊個城市？答：答案係昆明市。根據維基百科，昆明的別稱是「春城」，因其夏無酷暑、冬無嚴寒、氣候宜人，具有典型的溫帶氣候特點。 #omw食米線 #omw食肉肉 #omw尖沙咀 #omw油尖旺 #尖沙咀lunch #hkfoodie #hkfoodshare #hkkoreanfood #hkrestaurant #香港美食 #油尖旺美食 #尖沙咀美食 #香港米線（以下係幾次嘅食物相📸）…查看更多

一諗唔到食乜就係去食米線 今次就嚟試吓呢間好多人推介嘅米線店😋-▫️招牌豬扒酸酸辣辣銅鍋薯粉 $54豬扒 大大塊好香 肉質偏嫩 唔會好多筋位湯底酸酸辣辣 好開胃 亦都做得好平衡 入面有大量酸菜、木耳絲、肉碎等等 薯粉都唔會過腍 反而更加入味！ ▫️招牌春城銅鍋米線配雞肉&星星鱈魚豆腐 $55(自選要兩個餸起跳）湯底差唔多味 不過會辣少少鍾意佢哋湯底惹味得嚟唔會太過！食得出個湯底好有心機🫶🏻雞肉份量都比得幾多 仲要每件都好大嚿食到最後都仲有！而且都幾滑 不過就冇乜調味星星鱈魚豆腐 好細心 分開咗上 就唔使驚腍哂食落去有啲似魚片頭嘅感覺 幾好味 加上係炸 所以個皮會有少少脆身同埋用銅鍋上 幾有feel之餘都keep住熱辣辣唔怪得咁多人都比好評！湯底好唔錯配料份量都比得好足🤍價錢亦都合理推介推介！…查看更多

朋友想食飯，我又想食米線，所以去到厚福街呢一間店見到好多都讚嘅。 3點嘅時候都仲係坐滿，要等一陣先有位。叫咗兩個下午茶餐，一個豬扒飯，豬扒飯大到連啲飯都睇唔到。豬扒又淋又入味。另一個就嗌咗貢丸紫菜米線，米線下午茶餐份量係少啲嘅。 $45仲要包埋嘢飲。啱晒細食嘅女仔。…查看更多

放工放學想搵好嘢食，又唔想食得咁寡？呢間尖沙咀嘅米線舖真心推介！一入門口就聞到陣陣香料味，聞到都流晒口水🤤。佢哋嘅銅鍋米線真係招牌，成個銅鍋上，夠晒氣勢，未食已經想相機食先📸！🍽️招牌豬扒酸酸辣辣銅鍋米線豬扒大大塊，炸得外脆內軟，咬落去好有肉汁，醃得好入味！米線索晒啲酸辣湯底，湯底辣得過癮，酸得開胃，真係食到碗底都唔剩！🍽️紫菜蠔仔肉碎米線呢碗就係清新之選，紫菜同蠔仔嘅鮮味mix埋一齊，食落好有層次，肉碎仲令成碗米線更豐富，配埋佢哋嘅米線，真係簡單得嚟又好味！🍽️炸脆脆蝦膠豆卜呢個小食必叫！5粒炸到金黃色嘅蝦膠豆卜，咬落去外層脆卜卜，裡面係煙韌嘅蝦膠，點埋泰式甜辣醬，真係食到停唔到口！…查看更多

这家店真是工作日午市的"排队王"，12点半不到就人挤人这次试了两款米线—— 🍅「番茄泡椒肥牛金菇米线」汤底超浓稠，酸辣味够正，肥牛大片又嫩，金针菇挂汁一绝！ 🌶️「招牌猪扒酸酸辣辣米线」猪扒厚实不柴，酸辣汤底特别开胃，米线吸味又爽滑～ 铜锅保温超强，吃到后面汤还是烫的，冬天吃应该更幸福！ 小吃里必须夸这个🦐「炸脆脆虾胶豆卜」！外面豆卜炸得酥酥脆脆，里面塞满弹牙的虾胶，咬开还会微微爆汁，蘸汤吃或者空口吃都超特别，别家真的没见过～ 🐔「秘制鸡翼」卤得软烂入味，甜咸口越啃越香…查看更多

尖沙咀雖然好多好嘢食，但係都有唔少人會幫襯呢間米線，每次嚟到見到堂食都係滿座。🍜招牌豬扒酸酸辣辣銅鍋米線$55個酸辣米線用個鍋上都幾特別，湯底非常香濃之余勁酸，小小辣好開胃，佢入面啲酸菜都系好爽口，配料巨多，有芽菜、木耳絲、腐皮、肉碎等等。豬扒系成大塊另上，豬扒煎到好香，入口夠晒軟。我仲加咗以下嘅配料：🩵螺旋藻 🩵腩肉 每一片都好厚切 🩵竹笙 索晒啲湯汁之後真係好好味小食：香煎墨魚餅🍥 口感軟，有墨魚粒…查看更多

之前係Social Media見到有一間雲南米線，用銅鍋裝住米線，睇落幾有特色，咁去開尖沙咀就順便試吓啦。我地今次叫左招牌春城銅鍋米線 （小小辣，配生菜、新鮮蠔仔、炸海蝦寶）、招牌豬排酸酸辣辣銅鍋米線、爆漿紅糖糍粑、凍檸檬茶。………………………………………………招牌春城銅鍋米線 （小小辣） 配生菜、新鮮蠔仔、炸海蝦寶 ⭐️⭐️⭐️⭐️湯底都唔錯，有鮮味，不過小小辣就唔夠辣，下次可以試吓小辣。生菜、蠔仔都幾新鮮，蠔仔好嫩口。炸海蝦寶就類似用啲魚肉粉漿包住鮮蝦嚟炸，不過我覺得唔夠彈牙爽口。米線軟硬程度適中。招牌豬排酸酸辣辣銅鍋米線 ⭐️⭐️⭐️朋友食依個就覺得湯底太酸，豬扒就正常味道。爆漿紅糖糍粑（3粒） ⭐️⭐️⭐️⭐️上枱嘅時候熱辣辣，係新鮮即炸，爆漿紅糖味幾香甜，不過就偏稀，如果杰啲就更好。凍檸檬茶 ⭐️⭐️⭐️⭐️茶味同甜味都適中，正常味道。………………………………………………春城的雲南米線都算幾雲南，不過舊時新蒲崗有一個雲南米線仲好味，可惜已經結束左營業，食嘅時候不禁回想起佢的湯底，真係令人懷疑。…查看更多

春城銅鍋米線真係令人印象深刻，尤其係佢哋嘅招牌豬扒酸辣米線，完全超出我嘅預期！豬扒佢哋分開碟上，即刻保持住外脆內軟嘅完美質感，每一啖都滿足到我對豬扒嘅高要求。酸辣湯底調味得好夠味，又開胃又有層次，配埋米線一齊食，好夾！另外仲試咗炸脆蝦膠豆卜，蝦肉勁彈牙！！！外面炸到香脆，但係入邊都仲係好嫩滑嘅蝦肉！紫葉蠔仔肉碎米線同爆漿紅糖糍粑都好有心思，蠔仔又大粒又香口！配合米線勁好食特別係紅糖糍粑，即叫即炸，入邊唔會太甜，外表都係好香脆整體嚟講，春城銅鍋米線係間唔錯嘅米線鋪，豬扒同炸物都特別出色，下次一定再嚟，強力推薦！…查看更多

由旺角本店 吃到現在分店愈開愈多的春城銅鍋米線吃厭了連鎖大牌的米線店 偶爾也會想起這家用銅鍋的米線舖配料相對比較特別，而且款式較多選擇除了有傳統麻辣酸辣米線以外 亦有椰子雞湯等等的選擇招牌銅鍋米線配料多 而且湯底層次豐富 而我個人私心愛吃麻辣米線最愛青花椒有香又麻的口味 配上蘿蔔 一啖湯一啖米線 超級享受！配料選擇了 肉眼筋 唐揚炸雞件 炸海蝦堡 等等等到時坊間比較少見的配搭 較為特別！肉眼筋簡單但充滿肉香 唐揚炸雞卷非常脆口！而招牌小食可以要小/大份量 非常適合一人用餐！瑞士雞翼醃得入味 而紅糖糍粑一咬爆汁！一份三件一個人都可以加小食 剛剛好…查看更多

小編今日來到尖沙咀一間米線專門店「春城銅鍋米線」，特色是以銅鍋盛載米線，提供多款湯底米線，包括蟲草花椰子雞湯米線、招牌豬扒酸酸辣辣銅鍋米線、海南胡椒豬肚雞米線、農鄉番茄泡椒銅鍋米線等👏🏼 超過30款米線配料，任君選擇✨ 店內環境簡潔舒適，米線價錢親民，值得推介的米線小店🍜 「農鄉番茄泡椒銅鍋米線」 雙拼選擇了金菇及五香牛展，番茄與泡椒香氣十足，酸甜微辣🍅🌶️ 小小辣的辣度剛好，米線吸收了湯底的精華，五香牛展香氣四溢，煮得嫩滑入味🐮 以銅鍋盛載更保溫和增加食慾🍜

「招牌豬扒酸酸辣辣銅鍋米線」酸辣的湯底招牌酸酸辣辣湯底，味道偏酸，香煎豬扒嫩滑多汁，外層略帶焦香，咬下去時肉汁四溢，充滿肉碎、甜酸菜、芽菜、腐皮及木耳絲✨ 米線吸收了湯底的精華，酸辣又開胃🧡🍽 ：農鄉番茄泡椒銅鍋米線（雙拼）；招牌豬扒酸酸辣辣銅鍋米線👅好味指數：8.25/10；8.0/10💰消費：HK$63；HK$55📍 地址：春城銅鍋米線 (尖沙咀)尖沙咀厚福街6號地舖…查看更多

春城銅鍋米線朋友鍾意食米線，今日同朋友去到尖沙咀呢間米線舖度食飯，餐廳主打雲南米線，由於雲南四季如春，所以又有別名叫春城炸脆脆蝦膠豆卜 $38叫咗一份小食，叫炸脆脆蝦膠豆卜，外表似炸臭豆腐嘅模樣，外脆內軟，入面就充滿鮮蝦內餡，食得出蝦膠嘅甜味招牌豬扒酸酸辣辣銅鍋米線 $55首先叫咗一份招牌豬扒酸辣銅鍋米線，用咗銅鍋上，好特別。湯底叫咗bb辣，本身配料就有肉碎、芽菜、腐皮、酸菜、木耳絲、甜酸菜，口感豐富，豬扒另上，豬扒大份又口感軟淋，香氣十足，係成碗米線嘅主角蟲草花椰子雞米線 $62另一碗米線就叫咗蟲草花椰子雞口味，轉雞髀+8，湯底本身已經有蟲草花、紅棗、木耳， 湯汁入口清甜，帶有明顯嘅椰奶香味，雞髀肉切件方便食用，質地軟淋，米線爽口，浸喺椰子湯汁入面好入味豆漿+$12熱檸檬茶+$3跟餐叫咗支豆漿同熱檸茶…查看更多

最近我去咗尖沙咀一間專門食昆明米線嘅餐廳，真係好好味！今次我試咗兩款米線，蟲草花椰子雞米線同埋豬扒酸辣銅鍋米線，真係食到好滿足！蟲草花椰子雞米線首先試咗蟲草花椰子雞米線，真係好正！椰子雞湯味道濃郁，飲咗一口覺得好舒服，仲有好多雞件，肉質滑溜，完全冇柴味。米線吸收咗湯底嘅精華，食落去真係一流，特別適合鍾意椰子味嘅朋友。豬扒酸辣銅鍋米線跟住就係豬扒酸辣銅鍋米線，呢個真係開胃！豬扒外脆內軟，10分Juicy，咬下去一啖滿足。而且個湯酸酸辣辣，非常開胃，特別適合夏天食，令人一口接一口，完全停唔落手。😋靜靜雞指數 🐥🐥🐣🥚🥚🔂再偷食指數 ✅✅✅☑️☑️💲減荷包指數 💸💸💵💵💵——————————————————店舖資料📍尖沙咀#eatstealthily #靜靜雞食 #香港美食 #美食 #food #hkfoodie #foodiehk #instafoodie #hongkong #topcitybiteshk #hkfood #hkig #foodporn #discoverhongkong #foodlover #hkrestaurant #asianfood #hotpot #chinesefood…查看更多

📍 春城銅鍋米線 (尖沙咀)尖沙咀厚福街6號地舖✨招牌豬扒酸酸辣辣銅鍋米線💰55呢碗米線真係佢哋嘅招牌，豬扒煮得非常入味，酸酸辣辣嘅湯底好開胃，米線吸咗湯汁後，味道更佳，食落去一啖接一啖，根本停唔到口！✨炸脆脆蝦膠豆卜5粒💰38呢個小食非常好味，豆卜炸得金黃脆口，蝦膠內裡彈牙，食落去唔油膩，真係好正，配上醬汁更加好味。✨紫菜蠔仔肉碎米線 + 菜心💰62+7呢碗米線味道清新，紫菜配蠔仔肉碎，味道非常有層次，菜心又新鮮，保持住脆感，成碗米線真係唔錯。✨凍檸檬茶💰6呢杯凍檸檬茶清爽可口，酸酸甜甜，正好解膩，飲完之後好舒服，特別係天氣熱嘅時候，真係必飲！✨凍龍鳳可樂💰12呢杯凍龍鳳可樂就係經典飲品，飲落去清涼解渴，搭配任何食物都好合襯，令人心情愉快。回頭: yes，總括來講，春城銅鍋米線嘅食物真係好味又有特色，絕對值得再來！…查看更多

尖沙咀厚福街一向都好多美食，有一間餐廳專食米線，亦有小食、酸菜飯、湯飯等…見到隔籬枱有幾台都係用過銅鍋上，覺得好特別，我就跟住試吓😂招牌春城銅鍋米線：銅鍋令我諗起以前睇韓國電視劇在家庭煮公仔麵的一人鍋，呢個銅鍋保溫度超高，可以一邊食一邊保持熱辣辣的溫度，食晒成碗麵湯底都仲暖，如果冬天食仲正！我揀咗雞翼，瑞士汁雞翼甜甜地，又淋又入味，有樣貼心就係另外會俾個骨碟你裝骨👍🏻配料仲有木耳絲、肉碎、腐竹、咸酸菜，生菜、芽菜等…食落去好開胃，配米線食一流！  凍檸檬茶：天氣炎熱，最近夏天愛上了飲凍檸檬茶！…查看更多

上星期在這裏旁邊吃飯，看到原來春城銅安米線在這裏有分店，今日下午吃下午茶，便來到這裏。招牌春城銅鍋米線 $73，菜心、腐皮、腩肉，跟餐凍檸檬可樂。招牌春城銅鍋米線，用銅鍋承載着，熱騰騰的米線加上清湯的味道，配合得恰到好處。腩肉很像東坡肉，帶點脂肪的甘香和腩肉的香氣，如果醬油味道多一點更好。酸酸辣辣銅鍋米線 $60，菜心、雞肉，跟餐凍檸檬茶。酸酸辣辣銅鍋米線，酸度和辣度都很高，雖然是BB辣，不過辣度都很不簡單。雞肉是雞髀肉造成，雞肉很有彈性。要注意銅鍋非常之熱，小心別碰到。豬扒經過醃製之後，加上適當的烹煮時間，外脆內軟，是這裏的名物。炸脆脆蝦膠三粒$25，外表香脆，內裏蝦肉爽口彈牙。即灼生菜$20，用上上湯浸着的生菜，健康又美味。…查看更多