狎鷗亭居酒屋

營業中

休息中

今日去咗諾士佛台嘅狎鷗亭食韓國嘢。店舖裝修以黃色為主，俾人溫暖嘅感覺。菜式全部由韓國人主理非常正宗。經店員推介試咗佢哋幾個招牌菜，其中有兩款都係我之前未食過。好特別，而且好好味😋呢間居酒屋營業到深夜兩三點 ，喺諾士佛台飲完嘢直接可以上嚟食宵夜。首先，我試咗*韓式青口湯*。呢個湯煲得好大，入面有好多青口，仲有芽菜、皇帝菜同金針菇，湯底清甜，我一口氣飲咗三碗，尤其適合冬天飲用，感覺好溫暖。雖然青口數量好多，但係店員逐粒逐粒幫你將肉起出嚟。服務相當到家👍🏻跟住係*韓式生拌牛肉*。呢道菜同一般牛肉他他唔同，佢有濃濃嘅麻油香味，口感甜甜辣辣，真係好開胃！加上雪梨絲同生蛋黃，令整體味道更加豐富，呢款菜式亦係佢哋嘅招牌鎮店之寶。最後係*烤胸叉牛肉*。呢個牛肉捲埋生菜、大蒜同特製醬汁一齊食，味道好特別，牛肉嫩滑，配搭成個口感好有層次。飲品方面，我試咗*生薑高杯酒*，味道清新，仲有可樂，完美配搭。