首先呢個香蔥燒牛舌沙律真係一絕！牛舌燒到外層微焦，咬落去「咔呲」一聲，裡面竟然保持到爽脆彈牙，完全唔會韌！舖滿嘅香蔥同特製醬汁更加將牛舌嘅鮮味推上頂點～底層嘅沙律菜新鮮爽脆，沾滿肉汁之後，又解膩又惹味，未食主菜已經清晒成碟！
重頭戲全牛特選拼盤上枱真係哇聲四起！拼盤包括咗霜降和牛、牛小排、牛肋肉同橫隔膜，每款油脂分布都靚到好似藝術品～特別係霜降和牛，大理石紋路超誘人，輕輕燒到五成熟，入口即化，油脂香喺口腔爆發，幸福到閉眼享受！牛小排肉味濃郁，蘸少少wasabi醬油已經無得頂～
呢度抽風系統做得唔錯，食完都唔會成身油煙味。侍應會細心教點燒至最佳口感，服務加分！雖然價錢中上，但質素絕對對得住個價，已經約定下個月再嚟encore！
