倆仨杯

營業中

休息中

今日同朋友去咗尖沙咀海港城行街，行到有啲口渴，經過見到一間新開叫「倆仨杯 」嘅台灣小吃店，除咗有即叫即打嘅台式茶飲之外，仲有好多用花雕同滷水整嘅台式小食，於是入咗去試吓。餐廳除咗有幾張室內嘅座位，喺附近嘅商場中庭都放咗唔少座位，大家行到可以坐低食吓嘢唞一唞，仲有好多人買外賣添。🍊醉封門柳烏冬、醉豬手烏冬湯底充滿花雕酒嘅甘甜味，花雕酒嘅酒精已經蒸發晒，所以酒味唔重；封門牛柳肉質嫩滑； 豬手斬開細細舊容易入口，豬皮同軟骨亦都炆到好腍，食到滿滿嘅骨膠原；而每一碗嘅烏冬都配有滷水蛋同杏鮑菇，份量充足🍊醉雞翼、醉鴨舌、滷豆腐醉雞翼有四隻，花雕酒味唔算太濃，味道偏清淡；醉鴨舌食落有少少花雕酒味，煮到好腍身，花雕嘅煮法比麻辣會更軟腍；滷豆腐非常入味，咬落去充滿滷水汁，唔乾身🍊炸鹽酥雞、炸花枝丸鹽酥雞即叫即炸，細細粒啱晒一啖擺入口；炸花枝丸爽口彈牙，咬落去食到墨魚肉粒，口感豐富🍊黑糖珍珠岩鹽厚鮮奶、烤布蕾奶蓋鐵觀音奶茶、粒粒白桃烏龍黑糖珍珠口感煙靭，鮮奶口感順滑，黑糖嘅甜味撞上岩鹽嘅鹹味，令到成杯嘢飲唔會太甜；平時好少食到烤布蕾奶蓋，大家一定要試吓，奶蓋上面佈滿一層燒焦香脆嘅焦糖非常特別，鐵觀音奶茶嘅