彌敦左岸

營業中

休息中

呢間距離尖東站好近嘅酒吧西餐廳，好啱星期五或者假日過嚟飲酒chill下或者鋸下扒🍻不定時有live band表演，環境坐得舒服有氣氛🫶🏻仲有v sing可以俾朋友仔上去唱歌表演！呢度有好多種類嘅雞尾酒或者冇酒精嘅mocktail提供，就算有朋友仔唔啱酒精飲品都唔緊要！同埋呢度食物提供時間係去到凌晨一點！啱晒夜晚出沒既朋友仔🐈‍⬛蒜鹽香酥魷魚鬚呢個類似係避風塘嘅概念，魷魚鬚炸係得超香口，面頭仲有兩隻西班牙辣椒，餐廳哥哥話如果食得辣可以試吓🤣食落去又未去到好辣，咬幾啖都幾過癮！香蒜辣椒炒深海大虎蝦意大利粉🦐超大隻大虎蝦，肉質彈牙，好新鮮！意粉屬於有咬口嗰隻，炒得好香，好重蒜味同埋微微地辣🌶️美國特級封門牛柳🥩呢個牛柳幾Juicy 肉質軟淋，牛味好重！配上少少黑醋汁，幾開胃。同埋嗌咗八安士，兩個人都夠食。飲品嗌咗兩杯mocktail🥂，一杯真婊子melody同一杯偽婊子kuromi🤣🤣啲嘢飲啲名真係好搞笑！兩杯都好清新，用茶底做基調再加上果汁，同埋少少薰衣草🪻好特別嘅配搭~