牛天宮

營業中

休息中

台灣朋友黎香港玩，星期日同佢係尖沙咀行街，夜晚同佢去左呢間新開既餐廳食飯。我哋叫左幾款食物，手工沙嗲手切牛肉沾麵(火鍋)， 沙嗲湯底濃郁，帶有花生香，不會好鹹，牛肉新鮮嫩滑，牛肉味濃，麵條掛汁，吸收晒沙嗲湯底既精華。鮮蕃茄湯手切牛肉牛筋丸麵，湯底用新鮮蕃茄熬製，無加味精，味道酸甜開胃，仲食到蕃茄粒，牛筋丸彈牙多汁。另外也叫左幾款小食，涼拌百葉豆腐，口感軟綿，豆味香濃，配合佢既醬汁，食落十分惹味。花枝丸炸到好酥脆，食到有墨魚粒， 彈牙爽口。朋友今晚食得開心，覺得味道唔錯。