Starò

營業中

休息中

今個月生日，上個月我已經book好咗呢間星空主題西餐廳。一入門口有圓形千秋椅。配合星空做主題燈飾隨處可見。紫色月亮，半圓球燈飾包裹嘅星空座位。夠坐兩至三個人。情侶拍拖節日慶祝星空餐廳最適合不過。佢哋仲有多款好特別嘅Cocktail同埋星座蛋糕。超適合打卡❤️首先，牛肉他他（Beef Tartare）真係一絕。用上新鮮嘅牛柳，肉質嫩滑，配搭上特製醬汁，食落口感鮮美，帶有一絲微微嘅鹹味，完全停唔到口。接住嚟係一款星空蛋糕，名叫「My Sign」，係為人馬座專門設計嘅。藍色底加上星星同煙花嘅裝飾，睇落真係好靚！食落去蛋糕軟滑，味道清新，戴上生日祝福字句，無論係慶祝生日定係節日，都好適合。而飲品方面，我試咗Sagittarius雞尾酒，裡面有檸檬汁同Wasabi Mio clear調製而成，味道特別刺激，酸酸辣辣，真係一個好獨特嘅體驗！而Apollo Mocktail則係由激情果、芒果同檸檬混合，再加上雪碧，飲落去清爽可口。最後，香草披薩包（Herb Pizza Bread）都唔可以錯過。外脆內軟，披薩香氣濃郁，搭配香草，食落去好有口感。