3鬚料理

營業中

休息中

理大附近有部份既食店，會推出理大職工折扣，位於漆咸圍既三鬚料理就係其中１間。理工行過去好近，十多分鐘就到，餐廳門口有幾個咪錶位，行或者揸車都方便。雖然係新開業，店員對菜單都好純熟，服務到位。懷舊電影院烤魷魚，魷魚係炭燒既，又香又脆，口感不錯，一邊吹水一邊咬下魷魚，都幾寫意。深海沙律配搭豐富，顏色鮮艷，材料新鮮，有墨汁吹筒仔、蜜桃、青蘋果同Blue cheese，食起黎非常開胃，令人不由自主想多食幾啖。粉葛、蓮藕同章魚，用老火湯既材料，製作成忌廉湯。湯底挺濃郁，飲起黎有種好順滑既老火湯味道。櫻花蝦、蝦子加XO醬既鮮蝦意大利粉。呢道菜有好多蝦既味道，加上XO醬既微辣，意粉吸哂汁料既味道，真心不錯。燒澳洲和牛扒搭配阿根廷青醬汁，牛扒質量不錯，肉質鮮嫩，裡面保持完美既五分熟，切落去肉汁瞬間流出，味道好好。甜品叫「不是章魚丸」，個名幾特別，實際上是炸芝麻湯圓。咬開後流出既芝麻餡味道香甜，配木魚絲同丸子汁，創意十足。