3鬚料理

營業中

休息中

今次嚟到呢間新開嘅特色餐廳～佢只要係用三條鬚做主題🫢入邊基本上都係圍繞着八爪魚、墨魚等🤣感覺都幾有趣～1.深海沙律$88一開波我哋叫咗個沙律開下胃口先～沙律入邊竟然有藍芝士粉，幾香芝士味，真係幾特別！入面有麵包粒、青蘋果🍏蕃茄仔、，水蜜桃🍑～唔少得就仲有魷魚🦑做主角～～成個沙律酸酸甜甜，都幾清新機Fresh🫶🏻2.生蠔清酒忌廉湯$98呢個湯真係好有驚喜，個湯入邊隻生蠔勁肥美，生蠔唔會煮得太熟，都仲係爆曬汁😍忌廉湯都好有濃烈嘅生蠔味，配搭餅乾條沾湯食～真心覺得唔錯3.西班牙式吹魚筒清酒炒蝦8隻 $98呢條都幾有驚喜，啲蝦好大隻，有啲似酒樓嘅炒大蝦🍤水準，幾彈牙爽口，有少量魷魚筒配搭，仲有啲風乾嘅香腸，香腸有啲似肉乾嘅感覺，都幾特別，個汁辣辣地，個味道都幾特別～唔錯👍4.3鬆名物卷$288呢個刺身都幾新鮮，旁邊仲有黑魚籽、三文魚腩、海膽、吞拿魚伴碟，好少見到呢啲高級食材係做伴碟嘅角色～～中間有幾件壽司，壽司飯自帶醬油，而且飯團入邊夾雜着葱，都比較少見～5.3鬚墨汁扁意粉$148有三粒大大粒嘅帶子，都幾大碟幾飽，扁意粉份量好多，所有扁意粉都包裹着墨魚汁，表面有啲蔬菜類切絲扮扁意粉，作為配飾，

同事發現尖沙咀開左間新餐廳，約埋我放工一齊試新野🫶🏻環境新淨企理，入到去有一種好舒適自在的感覺😌🎭懷舊電影院烤魷魚口感煙韌香口，有少少炭香味，點埋芥末豉油一齊食又幾過癮🤣🌊深海沙律吹筒仔彈牙，芝士味香，入面仲有青蘋果蜜桃🍑清新香甜☺️夾埋酸酸甜甜嘅醬汁一齊食好開胃😆🍲老火忌廉湯 （粉葛蓮藕章魚湯） 中西合璧🤣，好creamy 好好飲，配埋餅乾條沾湯食，幾特別幾creative🫶🏻🍝 櫻花蝦 蝦子 XO醬 鮮蝦 意大利粉🦐蝦又大又鮮甜，意粉質感煮得都好彈牙，夾埋勁多既櫻花和蝦子又有口感，加埋XO醬就更惹味😋🥩燒澳洲和牛扒 伴阿根廷青醬汁 及 西班牙式吹魚筒燒薯 和牛扒好juicy🤤外層微微焦香，肉質鮮嫩，五成熟真係啱啱好，一d都唔油膩，沾埋青醬汁食yummy😍最後叫左個焦糖菠蘿🍍，燒得好好，勁甜勁多汁😋

餐廳位置上稍稍遠離尖沙咀嘅核心地帶，但係大家只要行幾分鐘過到嚟漆咸圍，就會發覺呢條街簡直係鬧市中嘅瑰寶🤭呢一帶有好多間特色食肆痴埋一齊，今次呢間3鬚料理亦係高質素嘅推介😄深海沙律深海沙律有墨汁吹筒仔、青蘋果、蜜桃、藍芝士，入口第一感覺係味道酸酸甜甜，口感呈現咗好多層次🤤整體配搭非常富有營養，係好開胃嘅前菜👍老火忌廉湯粉葛、蓮藕呢個黃金中式湯水組合我諗大家都飲得多，但係講到將佢同忌廉湯拉上關係，就萬萬都冇諗過😀咁大個仔真係第一次試，成件事完全冇違和感🤣3鬚名物卷賣相非常精緻，同一般食刺身/壽司嘅擺盤好大差異🤣凈係打卡都已經有好多唔同角度😬無論係海膽、三文魚、吞拿魚、帶子，每一件刺身用料都好新鮮，係餐廳必試之選😍而家諗返起都流晒口水😋櫻花蝦蝦子XO醬意大利粉櫻花蝦配上極度惹味嘅XO醬，蝦肉肉質好爽口，每一條意粉都滲滿濃郁鮮蝦味🤭成個配搭創新之餘但又好夾😈不是章魚丸外型賣相十足十章魚小丸子咁，點知內裡其實係芝麻湯圓🤙🏻餡料滲出香濃芝麻香，外脆內軟嘅口感非常有滋味🤩懷舊電影院烤魷魚烤魷魚呢項香港傳統懷舊小食，口感又香又脆，相信大人細路都鍾意食👻可以烤到外層焦脆，但又不失魷魚應有嘅鮮美絕對唔容易

餐廳都係朋友搵我先知道喺邊，佢話意粉最好食，我今次最滿意都係個意粉。‣ 懷舊電影院烤魷魚 $48烤魷魚都幾得意，魷魚乾令我諗返起海洋公園，平時聞到好香嗰啲。魷魚乾本身好彈牙，細細條咁樣食搭配酒應該一流，可惜今次唔飲酒。‣ 深海沙律 $88蜜桃、青蘋果陣味都唔會好搶，仲可以幫到啲海鮮提鮮，蔬菜本身都好清新。‣ 老火忌廉湯 $58‼️超級推薦‼️我自己都幾鍾意呢個粉葛蓮藕章魚湯，佢係中式嘅湯，但係用咗西式嘅煮法，出到嚟個效果我超級鍾意，不過可能因為我本身都好鍾意飲老火湯。佢嘅粉葛蓮藕味真係好中式，但你飲落去嗰種穠稠度就好似飲緊法式龍蝦湯咁，連埋個grissini都好有感覺。‣ 櫻花蝦蝦子XO醬鮮蝦意大利粉 $158‼️超級推薦‼️ 佢啲pasta煮到al dente嘅口感，而且同個湯一樣都係中式嘅材料煮到西式嘅味道，平時蝦子撈麵就食得多，但係撈意大利粉都係第一次，連買啲櫻花蝦同埋XO醬成碟意粉真係超級惹味。反而蝦係呢碟意粉入面就變咗配角，但係冇咗配角就會失色好多，有咗佢先襯托到個層次感出嚟。‣ 燒澳洲和牛扒伴阿根廷青醬汁及西班牙式吹魚筒燒薯 $283牛排用咗兩碌棍叉住都幾得意，燒得唔錯，咬落去啲

約左朋友去尖沙咀食飯，去左「三鬚料理」，菜式都都幾有新意，環境幾舒服。燒澳洲和牛扒伴阿根廷青醬汁 及 西班牙式吹魚筒燒薯 和牛扒幾香口，肉質嫩滑，薯仔加入魚筒絲味道幾特別。櫻花蝦 蝦子 XO醬 鮮蝦 意大利粉蝦仁大隻又鮮味，意粉撈埋櫻花蝦、蝦子及微微辣嘅XO醬，味道好夾。不是章魚丸(甜品)外層仿似章魚丸鹹鹹的，內裏是類似芝麻湯圓甜甜的，味道不俗。另外仲有深海沙律(墨汁吹筒仔青蘋果蜜桃藍芝士)；中西配搭嘅老火忌廉湯 （粉葛蓮藕章魚湯）香口有咀嚼嘅懷舊電影院烤魷魚及焦糖菠蘿，全部都好味。

OpenRice見到尖沙咀有呢間主題特別，環境舒服嘅餐廳，即刻book位同朋友去試試。一入到去就有老闆同店員嘅熱情招待同介紹佢哋嘅招牌菜。我留意到佢哋有個義賣區係做善事嘅卡位坐得非常舒服。餐廳以墨魚、魷魚、章魚為主題，菜式都完全反映到個主題，好有新鮮感。我哋叫咗個有唔同壽司同魚生嘅「3鬚名物卷」，賣相非常靚，而且食落都可以媲美出面中高檔嘅日本菜。另一道主菜櫻花蝦蝦子XO醬鮮蝦意大利粉同樣好有質素。好少見一道菜可以用咁多唔同形態嘅蝦煮埋一齊，鮮蝦肉質不錯，蝦子同XO醬嘅海鮮香都好夾個意粉，仲要係我最中意煮得al dente嘅扁意粉。呢度菜十分推薦。小食唐揚魷魚鬚都炸得幾香口，而且以$58嚟講份量都唔少。最後甜品「不是章魚丸」我覺得就比較遜色，佢只係用類似芝麻湯圓取代平時嘅章魚小丸子，但啲沙律醬同紫菜同木魚絲同原菜式一模一樣，我就覺得食返正常嘅章魚小丸子好食啲。不過整體而言，雖然人均消費接近$300，但食物質素對得住個價錢，菜式有創意分加，而且服務非常親切、坐得舒服，絕對值得推薦。

本來想食韓國野既我，估唔到條隊長成咁，結果咁岩見到呢間新開既餐廳，見d野唔貴又幾精緻就決定同朋友試下#深海沙律-睇開我post既朋友都知道，我出去食飯通常都要叫菜類，呢個沙律入面有墨筒仔、火箭菜、青蘋果、蜜桃、藍芝士等等，清新得黎間唔中又有墨筒仔脆脆硬硬口感，都幾唔錯#懷舊電影院烤魷魚-炸魷魚點芥辣豉油食，幾舒新既食法，但其實兩個味都幾夾既，可能因為魷魚本身都咸咸地，所以算係口味上加左芥辣既少少辣味#老火忌廉湯-雖然係忌廉湯，但飲落真係好似粉葛蓮藕章魚湯老火湯既杰身版，有少少crossover既感覺，呢個必試#櫻花蝦蝦子XO醬鮮蝦意大利粉-意粉粉得夠乾身，大蝦都比得闊綽，有5-6隻，就算多幾個朋友分黎食都夠，XO醬炒夠鑊氣#燒澳洲和牛扒伴阿根廷青醬汁及西班牙式吹魚筒燒薯-管牛扒大約5成熟，仲保持到肉既嫩滑度，配少少青醬食都唔錯，另外個伴碟燒薯，加左d魷魚筒乾，增加左口感同味度層次，幾好味#不是章魚丸-店員推介呢甜品，原來係芝麻湯圓加平時章魚燒既汁醬，初食會有章魚燒汁醬味，咬幾下就會變成芝麻湯圓味，非常特別，又係一道crossover野

尖沙咀最近開咗呢間新嘅西餐廳,可以睇得出老闆起Menu上落足心思,每道菜都有佢創新同獨特之處,但係食落味道又唔錯🥰懷舊電影院烤魷魚雖然係Cafe但係我會話佢哋呢個烤魷魚烤得比串燒舖仲好仲香,作為前菜就最好不過🥳深海沙律(墨汁吹筒仔青蘋果蜜桃藍芝士）呢個沙律醬汁酸酸甜甜,配上各式各樣嘅食物：魚乾、魷魚、青蘋果、蜜桃、芝士、麵包乾、蔬菜 同蕃茄,真係多到數唔晒🤣老火忌廉湯 （粉葛蓮藕章魚湯） 呢個湯係將一個中式湯-粉葛蓮藕章魚湯加入忌廉後用西式嘅做法將佢攪拌成湯,但係飲落超級好飲🥹櫻花蝦 蝦子 XO醬 鮮蝦 意大利粉呢道菜依然都係將中西合璧,喺煮好嘅意粉上面配上蝦子、蝦仁同櫻花蝦,將佢地攪拌後就可以食用🤞🏻雖然望落好似西式意粉,但係食落好似蝦子麵,質感好得意😆燒澳洲和牛扒 伴阿根廷青醬汁 及 西班牙式吹魚筒燒薯 呢個牛扒煮得啱啱好,個阿根廷青醬食落都幾惹味,配埋牛扒食簡直一流🤤焦糖菠蘿焦糖嘅甜度控制得恰到好處?成個甜品食落去唔會得嗰死甜

喺各國料理中成日做配角嘅𓄼章魚、墨魚、魷魚𓄹終於有機會踏上舞台做主角喇！經過 𓄢三鬚料理𓎤 精心烹製，三位主角都發揮得淋漓盡致，餐廳位於尖沙咀旺中帶靜嘅地區，好特別地以三鬚做主題研發左各款菜式，章魚、墨魚、魷魚愛好者嚟呢度一定會好滿足✦懷舊電影院烤魷魚魷魚乾掃上燒汁，烘烤後散發出獨特香味，點上𝙬𝙖𝙨𝙖𝙗𝙞 更加惹味，佐酒一流✦滷水涼拌花枝橘子芝士沙律滷水涼拌花枝好有平時去潮式店食到嘅感覺，花枝厚肉彈牙帶淡淡滷水味，估唔到同西式沙律嘅芝士同意大利香醋都幾夾，𝙨𝙖𝙡𝙖𝙙 𝙙𝙧𝙚𝙨𝙨𝙞𝙣𝙜 嘅酸度較高同重果香，好開胃✦老火忌廉湯 𓄢粉葛蓮藕章魚湯中式老火湯常用嘅食材以西式烹調方法呈現，將粉葛蓮藕章魚打碎做成濃稠感較高嘅西式湯品，再以忌廉增加順滑口感，味道比中式湯飲到嘅更鮮味濃郁✦海王三鬚扒三鬚扒係呢度嘅𝙨𝙞𝙜𝙣𝙖𝙩𝙪𝙧𝙚，可以一次過食晒章魚、墨魚、魷魚 ，首先係原條慢煮八爪魚鬚，肉厚彈牙，調味帶西班牙式風味，而另一邊嘅日本魷魚筒以日式醬油為調味，中間仲釀入新鮮每日由店家自己打嘅墨魚滑，一次過滿足晒三個願望✦三鬚墨汁扁意粉以帶子配上墨汁扁意粉，帶子好鮮甜厚肉，上面有淡黃色好似魚籽嘅粒粒，細問之

叫咗兩個lunch定食套餐，一個吉列豬扒滑蛋嘟嘟飯配latte，一個海鹽燒薩摩赤雞滑蛋嘟嘟飯配cappuccino吉列豬扒好濕，滑蛋碎濕濕一嚿嚿，又冇攪勻嚟炒，另一碟個雞又嚡，茶記質素都好過佢唔明點解咁嘅質素都可以出餐…咖啡啲奶打得過熱，latte成杯水咁，正常latte應該要有少少奶泡cappuccino個拉花…唔拉好過拉最後埋單時同職員反映返佢哋嘅食物質素，本身佢話可以成張單free俾我，但係始終打開門口做生意，我都係堅持照俾錢，雖然佢最後free咗一個餐，但係以後都唔會再幫襯

今天造訪了一家西式餐廳，真是個驚喜！不僅食物美味，而且他們還做了很多善舉。一踏入餐廳就發現他們設有一個義賣區，支持特殊教育需要（SEN）學生，展現出極具心意和愛心，讓我忍不住購買了一包價值$10的薯片，支持有需要的學生。而他們的其他菜品也相當特別。深海沙拉以墨汁吹筒仔、青蘋果、蜜桃和藍芝士搭配，清新且層次豐富。此外，雖然是西式餐廳，但他們居然提供老火忌廉湯，粉葛蓮藕章魚湯濃郁可口，喝下去讓人感到溫暖。櫻花蝦配蝦子XO醬的意大利粉口感豐富多汁，讓人回味無窮。最後的章魚丸更是驚喜，裡面居然是流沙湯圓，但經過炸製後成為章魚小丸子的模樣，充滿創意。

今次我同朋友去試咗尖沙咀新開嘅餐廳，叫三鬚廚房，叫咗個二人套餐，真係食得好開心，食物製作好有心思。深海沙律 (Baby Squid, Green Apple, Peach Salad with Gorgonzola)首先上嚟嘅係深海沙律，裡面有墨汁吹筒仔、青蘋果同蜜桃，咁嘅配搭真係好特別。藍芝士嘅味道唔會太搶，配上新鮮水果，感覺好清新又有層次。老火忌廉湯 (Cream of Chinese Soup with Lotus Root and Dried Octopus)跟住係老火忌廉湯，本身聽講名好難想像，因為粉葛同埋蓮藕係中湯常見嘅配料，融入西湯真係第一次試。粉葛同蓮藕煮得好香滑，仲有乾章魚嘅香味，算係我飲過嘅西湯中最特別嘅一款。櫻花蝦蝦子XO醬意大利粉 (Prawn Spaghetti in XO Sauce & Sakura Shrimp)XO醬非常惹味，加上櫻花蝦，呢道菜上枱嘅時候賣相已經好吸引，味道亦好絕配，意大利粉食落去彈牙，一碟有五隻鮮蝦，鮮蝦唔單止體積大，而且肉質都好爽口，呢個主菜我覺得好滿意。3鬚名物卷 (Signature Sushi Platter)名物卷真係唔可以

除咗喺台灣見過之外，好少見到有用章魚做主打嘅餐廳餐廳嘅佈置都好靚餐牌見到嘢食都幾多元化，樣樣我都想試添✅老火忌廉湯（粉葛蓮藕章魚湯） $58呢個湯真係有驚喜，融合咗中式老火湯同西式忌廉湯嘅特色。粉葛同蓮藕煲到出晒味，湯底好甜好滑，仲有章魚啲鮮味，仲彈牙添！飲落去又暖又舒服，開頭飲咗一啖已經覺得好滿足。 ✅深海沙律（墨汁吹筒仔、青蘋果、蜜桃、藍芝士） $88.00呢個沙律好有創意，啲配搭真係估唔到咁夾！墨汁吹筒仔好鮮嫩，咬落去仲有少少鹽香，青蘋果同蜜桃帶啲酸酸甜甜嘅味道，超清新！藍芝士嘅香味唔會太重，啱啱好提升咗整個沙律嘅層次，完全唔膩，食完好開胃。 *✅櫻花蝦蝦子XO醬鮮蝦意大利粉 $168呢個意粉真係香到漏！XO醬嘅味道又濃又惹味，帶少少辣，但又唔會搶晒蝦同櫻花蝦嘅鮮味。啲蝦好新鮮又彈牙，啲意粉煮得啱啱好，唔會太軟，吸晒啲醬汁味✅3鬚名物卷 $288擺盤好靚，又唔同嘅魚生款同三款特色壽司！帶子卷鮮甜滑溜，三文魚海膽卷同吞拿魚黑松露卷就高級咗，食落口感好豐富，全部都係一啖一個滿足感！擺盤咁靚，影相打卡一流！ 幾值得推介，啲嘢食好食之餘，仲可以感受到廚師嘅心思，真係唔會踩到地雷，下

今日去咗一間西式餐廳，真係驚喜！唔單止食物好味，而且佢哋仲有好多善舉。入到去餐廳嘅時候就發現佢裏面有一個義賣同埋支持SEN同學嘅位置，勁有心思勁有愛心，搞到我都忍唔住買咗一包$10嘅薯片，支持有需要嘅學生。然後佢其他嘢食都好特別。深海沙律用墨汁吹筒仔、青蘋果、蜜桃同藍芝士組合，清新又有層次感。另外佢明明係西式餐廳，但佢居然有老火忌廉湯，粉葛蓮藕章魚湯好濃郁，喝落好溫暖。櫻花蝦配蝦子XO醬嘅意大利粉香口多汁，令人回味無窮。最後嘅不是章魚丸更加驚喜，裏面竟然係流沙湯圓，但係炸成章魚小丸子嘅樣子，煞是創意。

今次黎到一間位於尖沙咀嘅餐廳「三鬚料理」，特色地方係以章魚、墨魚、魷魚為題嘅funsion菜，我地一行二人叫左幾樣野食。1.懷舊電院院烤魷魚將土魷去烤，烤嘅做法令土魷嘅味道更加特出，另外，附上芥辣豉油，點埋黎食又係另有一番風味2.老火忌廉湯依個湯好特別，由中式嘅粉葛蓮藕章魚湯，煮成西式忌廉湯，飲落口感順滑，西湯感覺而又保留到粉葛蓮藕章魚湯本身味道，非常好飲，值得一試3.深海沙律入面有打蘋果、蜜桃、藍芝士同吹筒仔，最後加上少少墨汁做點綴，沙律食落好清新，生果酸甜，同芝士、吹筒仔味道非常之夾，沙律菜的好新鮮，正4.櫻花蝦蝦子xo醬鮮蝦意大利粉意粉炒得非常乾身，唔會濕淋淋，配埋蝦花蝦同xo醬味道，好惹味，而且蝦數量都算多，又爽口彈牙5.燒澳洲和牛扒伴阿根廷青醬牛肉大約5-7成，保留到牛肉嘅嫰滑，牛味都濃郁，加埋個阿根廷青醬一齊食，令個味道更加提昇6.不是章魚丸同名一樣，佢唔係章魚丸係用炸麻煩湯丸上面淋上日式章魚燒牆、沙律醬加上木魚碎做成嘅甜品，食落口感特別，外脆入面又軟棉而且芝麻加上醬汁，成個味道都變到好有層次整體黎講，食物質素高，而且又坐得舒服，好岩三五知己一齊黎食番餐