泰Grill (恆隆銀行大廈) (已搬遷) 新店位置

尖沙咀呢個臥虎藏龍嘅地方，各式各樣菜式都可以搵到。今晚同朋友食飯，發現Granville Food Square入面嘅70s Food Dining竟係有一間超高質泰國菜🇹🇭70s Food Dining嘅設計落足心思，充滿歐陸氣息，白色拱門、花樣地板，而且座位寬敞舒適，估唔到係一個啱同朋友食飯傾計嘅豪華Foodcount💖今次食嘅泰Grill性價比超高，多選擇而且味道一流，絕對係回頭之選。重點推介😽👍 串燒（豬/牛/雞）$88 超大份量嘅串燒🤫 唔似坊間嘅串燒一啖一粒肉兩啖就食完，呢度嘅串燒每串都兩大塊厚肉，食落好有滿足感。沙嗲汁好濃，而且有超多花生粒。👍 青咖喱雞肉飯 $62色彩繽紛嘅青咖喱，除咗雞肉仲有超多配菜，包括椰菜花、西蘭花、紅椒等，除咗賣相靚，仲夠哂營養。青咖喱好香椰奶味，少少辣，撈飯一流！我地仲加咗蒜蓉包（$28/5件）蘸咖喱，務求少少都唔好浪費。👍 飛天通菜 $58經典泰菜最考功架，夠哂穫氣，少少辣，唔油膩。而且份量超多，多人分享都夠哂食。📍泰Grill 尖沙咀加連威老道46-48號恆隆銀行大廈尖沙咀美食坊地下3號舖