影片
更多
2024-11-30
130 瀏覽
尖沙咀行完街天氣又開始凍，最啱就係去食燒肉，之前都喺第間分店食過呢間驚安燒肉，肉嘅質素的確唔錯。點燒肉嘅醬汁有3款，蒜蓉醬、青檸辣椒醬同燒肉汁，亦都有其他調味料提供。和牛壽喜燒 $98必食推介有呢款和牛壽喜燒，雖然只有兩塊，但有專人幫手燒，肉香軟嫩，點埋個黑松露蛋汁食就更加正。A4和牛牛板腱 $198限量稀有嘅和牛牛板腱，同樣有專人幫手燒，仲可以自選生熟程度。牛板腱肉味好濃郁，仲可以點洋蔥酸汁、檸檬汁或者Wasabi食。極黑和牛牛小排 $150牛小排都非常唔錯，油花分布平均，食落肉質好腍嫩，仲有肉汁。特大薄切牛舌 $88牛舌都幾大碟，輕輕一燒就食得，口感非常爽彈。香印青提牛肉卷 $88牛肉卷住香印青提做嘅串燒，一口咬落去青提爆汁，估唔到又同牛肉幾夾。菠蘿 $28每次食燒肉都一定要燒菠蘿，輕輕燒過之後更加鮮甜多汁，清新解膩。火炙和牛拌冷麵 $68除咗燒肉，呢度都有其他嘢食，我哋就叫咗個冷麵。除咗有火炙和牛，仲有糖心蛋。麵底爽口彈牙，冰涼透心，個醬汁辣辣哋非常惹味。百香果梳打 $28/桂花紅棗蜜 $24另外都叫咗兩杯嘢飲，百香果梳打都幾大杯，酸酸甜甜好開胃。桂花蜜就啱晒食燒肉嘅時候飲，夠晒
和牛壽喜燒 $98
必食推介有呢款和牛壽喜燒，雖然只有兩塊，但有專人幫手燒，肉香軟嫩，點埋個黑松露蛋汁食就更加正。
A4和牛牛板腱 $198
限量稀有嘅和牛牛板腱，同樣有專人幫手燒，仲可以自選生熟程度。牛板腱肉味好濃郁，仲可以點洋蔥酸汁、檸檬汁或者Wasabi食。
極黑和牛牛小排 $150
牛小排都非常唔錯，油花分布平均，食落肉質好腍嫩，仲有肉汁。
特大薄切牛舌 $88
牛舌都幾大碟，輕輕一燒就食得，口感非常爽彈。
香印青提牛肉卷 $88
牛肉卷住香印青提做嘅串燒，一口咬落去青提爆汁，估唔到又同牛肉幾夾。
菠蘿 $28
每次食燒肉都一定要燒菠蘿，輕輕燒過之後更加鮮甜多汁，清新解膩。
火炙和牛拌冷麵 $68
除咗燒肉，呢度都有其他嘢食，我哋就叫咗個冷麵。除咗有火炙和牛，仲有糖心蛋。麵底爽口彈牙，冰涼透心，個醬汁辣辣哋非常惹味。
百香果梳打 $28/桂花紅棗蜜 $24
另外都叫咗兩杯嘢飲，百香果梳打都幾大杯，酸酸甜甜好開胃。桂花蜜就啱晒食燒肉嘅時候飲，夠晒潤喉。
依家午市(12:00-16:00)同宵夜(21:30後）時段竟然做緊59折驚安優惠，真係非常抵食，性價比超高。
。
。
驚安燒肉商店 (尖沙咀)
尖沙咀金馬倫道48號中國保險大廈3樓C號舖
。
。
張貼
