影片
更多
2024-07-22
1295 瀏覽
收工約埋friend去打邊爐，揀咗嚟湊湊，尖沙咀就最就腳。佢哋依家做緊5週年感恩3重奏優惠，除咗可以用低至25折嘅優惠價食到日本A4和牛或者澳洲西岸龍蝦，仲有唔少湯底同新菜品有71折優惠。自助醬料小食 $19@餐廳入面有個自助bar，除咗有醬料，仲有唔少前菜小食同水果可以任食，好似爽脆魚皮絲、麻辣杏鮑菇、滷肉飯、西瓜、炸物等等。非常推薦佢嘅滷肉飯，拍得住唔少滷肉飯專門店。鴛鴦鍋底 $138@朋友鍾意食辣，所以我哋叫咗鴛鴦鍋底。酸菜白肉湯底入面有白切肉同大量酸菜，非常足料，味道清得黎帶少少酸，越食越開胃。另一款台式招牌麻辣湯底入面有鴨血同滷豆腐，雖然顏色好紅，但香同麻得嚟唔會太辣。日本和牛三角胸小排 $98(會員價）用嘅係A4和牛，色澤好靚，油花分佈平均，肉質腍嫩又冇筋，肉味香濃。企鵝丸 $59餐廳好有心思將墨魚漿倒模成企鵝咁嘅樣，超得意，識落仲好彈牙添。原隻鮮魷魚 $55（優惠價）原隻魷魚夠新鮮，咬落非常爽彈，而且鮮味十足。爽口牛黃喉 $41（優惠價）呢到仲有唔係度度都有得食嘅牛黃喉，口感好爽脆。鮮活豆苗 $58蔬菜方面就叫咗豆苗，叫得做鮮活原來係整盆連根上，食嘅時候只需要將豆苗嫩芽剪
自助醬料小食 $19@
餐廳入面有個自助bar，除咗有醬料，仲有唔少前菜小食同水果可以任食，好似爽脆魚皮絲、麻辣杏鮑菇、滷肉飯、西瓜、炸物等等。非常推薦佢嘅滷肉飯，拍得住唔少滷肉飯專門店。
鴛鴦鍋底 $138@
朋友鍾意食辣，所以我哋叫咗鴛鴦鍋底。酸菜白肉湯底入面有白切肉同大量酸菜，非常足料，味道清得黎帶少少酸，越食越開胃。另一款台式招牌麻辣湯底入面有鴨血同滷豆腐，雖然顏色好紅，但香同麻得嚟唔會太辣。
日本和牛三角胸小排 $98(會員價）
用嘅係A4和牛，色澤好靚，油花分佈平均，肉質腍嫩又冇筋，肉味香濃。
企鵝丸 $59
餐廳好有心思將墨魚漿倒模成企鵝咁嘅樣，超得意，識落仲好彈牙添。
原隻鮮魷魚 $55（優惠價）
原隻魷魚夠新鮮，咬落非常爽彈，而且鮮味十足。
爽口牛黃喉 $41（優惠價）
呢到仲有唔係度度都有得食嘅牛黃喉，口感好爽脆。
鮮活豆苗 $58
蔬菜方面就叫咗豆苗，叫得做鮮活原來係整盆連根上，食嘅時候只需要將豆苗嫩芽剪出嚟，真係夠晒新鮮。
大紅袍珍珠奶茶(大杯) $33@
我哋一人叫咗一杯大紅袍珍珠奶茶，茶奶比例控制得啱啱好，茶香味濃得黎又夠奶滑，仲有細細粒嘅煙靭珍珠。
。
。
湊湊火鍋‧茶憩 (K11購物藝術館) (尖沙咀)
尖沙咀河內道18號K11購物藝術館B1樓B124號舖
。
。
張貼
