星怡 (已結業)

星怡今次要介紹尖沙咀iSQUARE國際廣場嘅新加坡菜餐廳「星怡」，呢間餐廳卡位嘅梳化顏色以天藍色為主色，成間餐廳都好闊落，好方便輪椅人士入去食，而且呢間餐廳係新加坡人主理，味道好似喺新加坡度食，只係無新加坡咁辣，適合香港人口味！1.黑松露香煎鮑魚（鮮鮑魚、牛油、黑松露、白酒）$140（9.5/10）鮑魚煎得好香，淡淡黑松露味散發出嚟，鮑魚大隻好彈牙，切粒上枱比食客，食得好方便，仲有少少酒味，一共有4隻鮑魚！2.安格斯肥牛魚蛋喇沙（安格斯肥牛、魚蛋、喇沙湯、油麵、蛋、芽菜、魚餅、椰漿）$118（9/10）呢碗喇沙湯味道好濃好正宗，油麵好彈牙又掛汁，有4片唔韌嘅安格斯肥牛，其他配料有3粒好彈牙嘅魚蛋、3舊豆腐卜、4舊好有魚味嘅魚餅、半隻蛋、芽菜等！3.新加坡大蝦喇沙（大蝦、喇沙湯、油麵、蛋、芽菜、魚餅、椰漿）$108（8.5/10）呢碗喇沙湯味道好濃好正宗，油麵好彈牙又掛汁，有4隻蝦好鮮甜彈牙，其他配料有4舊好有魚味嘅魚餅、3舊豆腐卜、半隻蛋、芽菜等！2人總共價錢$403，有加一服務費！個人口味總評分：9/10地址：尖沙咀彌敦道63號iSQUARE國際廣場3樓303號舖Please fol