麻吉灶咖

營業中

休息中

平時番工中午搵食最緊要地點方便，呢間新開嘅台式餐廳喺尖沙咀地鐵站D3出口、即係去K11 Art Mall果條隧道，一入商場就會見到。個裝修同傳統嗰啲台式餐廳好大分別，文青風得黎又坐得幾舒服。野食方面就叫佢啲lunch set，上菜都算快手10分鐘左右就上齊，每個主食都有3小碟嘅前菜跟餐，我同同事仲叫多咗兩碟小食 酥炸雞翼同蚵仔煎share食。牛肉麵啲肉夠淋身入味，麵條份量夠飽。墨汁鹽酥雞都有成十幾粒，味道再濃味番啲就更正。雞翼有3隻好大隻厚肉，柯仔煎蛋同蠔都幾滑口。跟餐仲有野飲送，見佢新開就試下其他野飲（有跟餐優惠），叫咗杯抹茶芝士奶蓋，抹茶味夠濃奶蓋幾滑口，不過冰可以少啲太凍飲到敏感牙齒…..比起茶木接近港式茶餐廳風格，呢間都算做得唔錯，有機會再黎試晚飯。