麻吉灶咖

營業中

休息中

晚飯約左兩位朋友食飯，大家唔大食，諗住叫個二人餐都ok👌🏻環境：餐廳座位舒服，我地被安排卡位，坐得好闊落食物：小食蚵仔煎都多蚵仔，做到粘粘既效果；墨汁鹽酥雞既好特別，但其實食落同普通鹽酥雞一樣😆主食基隆港蝦醬蝦球鍋飯好好味，估唔到一個小火鍋燒住上，再大鍋啲會更好😝番茄雜錦豚肉鍋則好夠食，好多料，番茄湯可以飲埋呢飲品鮮鳳梨綠茶、鮮柳橙綠茶都好飲，夠大杯🧋甜度適中！服務：侍應都好好人，上菜速度都快👍🏻價錢：$358

嚟咗呢間食台灣嘢，叫咗個主食同埋甜品，1.牛筋牛肉麵質素唔錯，份量都充足，面頭有啲蟲草花，湯底都好味，味道突出，同埋味道幾香，都係一碗俾人有滿足感牛肉麵，但係以佢呢個價錢嚟講，可以質素更好。💕👍2.芋泥芋圓甜品呢個甜品有啲過甜，唔係好食到食材本身嘅完美，連佢啲脆脆都好甜，變咗覺得有啲甜膩，價錢仲要唔係平，可以唔使食呢個，其他甜品舖嘅芋圓甜品可能會比呢度更加出色。🙈🙈🙈🥹總括嚟講，性價比唔高，呢個價錢可以有更多更好嘅選擇。

餐廳提供的4人卡位，寬闊舒適，裝修雅致。和旁邊的座位有一定距離，適合和友人聊天。可惜有75分鐘用餐時間限制。幸好用餐當天，沒有等入座的食客，我們在餐廳用餐時間為2小時30分鐘。盡興而歸。

星期五happy Friday過海約朋友食飯，商場內呢間台灣菜特別多人 。早知一早訂位啦🥲😭門口展示牌有一個二人餐非常抵食，🈵$358有小食兩款，主食一個，仲有一個招牌鍋物 ，包兩杯飲品 。對於呢區嚟講真係性價比超高👍🏻‼️麻吉肥牛臭臭鍋餐 +$48人生第一次食臭臭鍋，仲以為係臭😂😂原來係台灣好出名嘅招牌菜。臭臭鍋以明火上，非常好足料，有臭豆腐、豬大腸、鴨血、大量娃娃菜同埋豚肉，湯底惹味香濃 。‼️基隆港蝦球蝦醬鍋飯套餐新出品菜式，熱鍋保持溫度，蝦球有六大隻，口感爽彈😋米飯粒粒分明 。‼️芋泥肉鬆炸春卷食完有驚喜，芋泥配肉鬆係天作之合，外皮鬆脆，芋頭控必點😍‼️墨汁鹽酥雞 配三文魚籽辣味蛋黃醬 +$18黑漆漆嘅鹽酥雞好特別😂仲配埋三文治籽 ，視覺上好有衝擊 。🧡手打西柚檸檬茶🍹🧡愛玉手打檸檬茶🍋半價轉特飲，果味茶清爽有粒粒果肉，大杯裝有點驚嚇😅因為二人餐食物質素有信心，令我想追加麻薯豆乳芒果雪糕 $38🥭芒果粒粒當造超甜，麻薯煙靭奶味濃郁，用豆乳果凍墊底，口感豐富 。

相信有去過台灣嘅朋友都知道，如果想食蛋餅只可以喺早餐店先會搵到，最遲過咗2點就明天請早。但如果要喺香港食台灣野，香港人嘅can do spirit就係令你喺一間鋪頭仔度乜都食到！【大甲芋泥芝士肉鬆蛋餅】💰78如果你話比台灣人聽用超過300蚊台幣食一份蛋餅實嚇死佢哋，但無奈香港地百物騰貴⋯⋯好彩依份蛋餅真係好足料，講唔上物超所值，但入面塞滿大量饀料！【墨魚滑玉米燒】💰78第一次食依款創意料理，用墨魚滑釀落粟米仔度，面頭再灑上咸蛋黃碎，一食有驚喜💕【軟殻蟹麻婆豆腐伴麵】💰113超級大份嘅伴麵，上面嘅麻婆豆腐唔會太辣，啱曬香港人口味！

麻吉灶咖🍲 𝙺𝟷𝟷行過幾次都想試，裝修簡約，以無印風為主，𝟸人位相對比較逼鹽酥雞芝士蛋餅🐔 $𝟾𝟾佢嘅蛋餅都有好多唔同嘅款式同埋都比較特別，份量都算大，雞肉好嫩滑，中間會夾左小小菜，同埋芝士！餐牌上話會辣，但一啲辣味都無紫薯拉絲芝士球 🍠 $𝟼𝟸 𝟹𝚙𝚌𝚜香脆內軟，但無咩紫薯味藤椒牛肉拌麵 🐮 $𝟷𝟶𝟾麵質煙靭，牛肉好腍，但係啲椒味真係好重，重到蓋過埋啲牛肉味😂對我黎講，辣得濟😢台南牛肉沙茶鍋 🍲 $𝟷𝟾𝟾呢個好出色！個味好香，夠哂濃！個湯唔會好稀！！！入面都勁多料，有肥牛，貢丸，花枝丸，娃娃菜，鵪鶉蛋，金針菇，炸枝竹，炸豆腐，號料入哂味，好正🤤🤤所以叫一鍋𝚜𝚑𝚊𝚛𝚎，再嗌啲小食都夠我係嗌得太多，所以飽到上心口😂整體黎講，食物同環境都中規中矩，因為𝟸人枱真係有點逼，除咗個沙茶鍋出色外，吾太驚喜🥹🥹

尖沙咀K11 Art mall嘅台灣菜，性價比高 仲要好食！？🫢Set lunch包小菜同嘢飲😗雖然午市時間爆場要等位，15分鐘左右都入得。嘢食方面，講到台灣菜梗係紅燒牛肉麵啦~一黎到好大碗，牛肉有3至4大舊，少少咸菜 紅蘿蔔同金銀花。啖啖肉唔痴牙仲有少少牛筋♪( ´▽｀)紅燒湯底偏咸，配上粗身麵底幾彈牙有口感👍🏼成碗分量十足。飲品係菠蘿綠茶，真係咬到菠蘿粒粒🫢一樣大大杯，食完咸嘢refresh下不錯。

呢間台灣野嘅食物真係令人回味無窮！每次去都覺得有新驚喜，特別推介佢哋嘅明太子三文魚蛋餅同埋藤椒牛肉麵。個藤椒牛肉麵真係令人食到停唔到口——滿滿嘅牛肉鋪喺麵上面，配上微麻微辣嘅藤椒，味道超濃郁，食落好惹味，口感層次豐富。至於個明太子三文魚蛋餅就更加不得了，三文魚分量十足，每一啖都充滿濃郁魚鮮味，明太子嘅鹹香更令蛋餅提升到另一個層次，簡直可以話係主角般嘅存在。除此之外，餐廳環境舒適，服務態度都好唔錯，令人有種置身台灣街頭小食店嘅感覺。無論係想一試地道台灣風味，定係純粹想滿足口腹之慾，呢間店都絕對值得一試！你下次去會唔會試埋其他推介呢？😋

之前試過海港城的店，因為性價比高，所以今次想試吓尖沙咀K11這間今次同樣都係試午餐，食物質素幾好，特別係牛肉麵真係好好味，小食完全係超值，好彩之前喺OpenRice訂咗位，準時到便有得坐

去咗尖沙咀河內道食下午茶，環境唔錯，服務態度很好，食物質素、味道都好好。餐牌嘅選擇都好多。有機會下次再試吓其他嘢食，現在花旗銀行信用卡做緊優惠，食滿$300即減$40！

完全食到一肚氣，香港人都遲放工啦，我地8:15 先齊人，店員由8:45 已經催我哋賣單，然後不斷收碟、拖地、熄燈、不斷同我哋講要清場…. 痴線，最誇張係有碟面，只係成咗兩啖，就問我哋係咪可以收😅 嗰日明明係星期五，大家唔係講緊咩Happy Friday ? 香港咁樣點做夜市，係咪一個笑話? 啲野食仲要好普通…. 唔好怪人點解成人返大陸、成日去旅行… 以後都唔會再去🙂‍↔️🥱😒

呢間餐廳，真係好開心！啲staff態度極好，非常主動！！我哋點咗臭臭鍋、古早味牛肉麵、手打檸檬菠蘿果茶、沙律同埋芒果麻糬豆乳雪糕。首先，臭臭鍋嘅味道好特別，湯底香濃，配料新鮮，食到令人一試成主顧。古早味牛肉麵就更加唔使講，牛肉煮得軟嫩入味，湯底濃郁，個麵好彈牙，幾得意，唔識形容，值得一試。沙律口感脆口，仲有隻糖心蛋，非常有驚喜。而芒果麻糬豆乳雪糕就係完美嘅甜點，滑順得嚟仲帶有濃郁嘅豆腐香味，係有啲飽之外無乜其他😹。至於手打檸檬菠蘿果茶，味道都幾清新可口，有啲似龍鳳檸茶。特別適合配搭呢個辣嘅火鍋。最令我印象深刻嘅係餐廳嘅服務。我哋嘅服務員好友善，唔單止熱情介紹菜單，仲主動關心我哋有冇需要，同埋分享唔同優惠。🤭👍🏿👍🏿整體而言，呢次用餐經驗真係非常愉快，我肯定會再返嚟！頭兩碟餸，唔記得影相，附上一張食完嘅邊爐照😹HAHA

本身諗住食稻埕，當去到餐廳位置既時候，原來已經結業，好可惜同朋友一心想食台灣菜，就決定同朋友一齊搵下商場入面有無其他台灣菜食店，比我地係D3出口格離搵到呢間麻吉灶咖餐廳環境令人好舒服，服務員熱情地問我地幾多位，我就話3位，並問下有無卡位坐，始終想坐得舒服D，見到餐廳裡面有4張卡位，但有人坐緊，咁我地寧願等一陣，15分鐘之後，我地就被安排坐卡位，午餐有14個選擇，我地決定選擇左食古早牛肋麵，價錢$98再加一，係k11商場裡面，呢個價錢麵算係，合理呢間餐廳下次會再黎幫襯，希望下一次黎到既時候，都有良好的體驗

📍海港城新開嘅人氣台灣創意餐廳，鋪頭入邊好熱鬧睇得出真系好受歡迎🔥【超夯海鮮綜合蓋飯🥘】飯上鋪滿了各種海鮮 簡直就係 “海鮮盛宴”🦞蝦仁味道調得超級入味，蝦嘅鮮味瞬間係口腔入邊爆開💥秘制嘅魷魚肉就 QQ 彈彈有濃郁燒烤味，越嚼越香🦪新鮮嘅蚵仔超級嫩滑，再加上營養豐富嘅魚籽，一啖落去，來自各種海鮮嘅鮮味層層疊加，豐富的口感讓味蕾就好似係度跳舞💃🏻【麻薯芋圓珍珠窩夫🧇】糯叽叽嘅麻薯、超彈牙嘅芋圓同珍珠，搭埋剛出爐、金黃酥脆嘅窩夫，簡直系 “碳水星人” 嘅夢幻組合😍【墨魚滑粟米燒🌽】呢個就好有特色啦，用粟米芯夾住墨魚滑，粟米嘅清甜同墨魚滑嘅爽脆鮮香完美融合，口感豐富到令人驚喜🤤但呢間店都有啲唔足嘅地方份量有滴少，我食完個海鮮蓋飯，感覺淨系墊咗下個肚，根本唔夠飽個肚仲 “咕咕” 叫😭除咗餐費仲要收 10% 嘅服務費，計落嚟價錢有啲貴，性價比就唔算高啦..

📍呢間新派台灣菜餐廳 以粉色與木系拼色營造出溫暖感 每次行過都想入去試試! 「麻吉灶咖」呢個字讀落去有d繞口 原來係台語 表示好友般的溫暖場所 環境的而且確符合店名 舒服溫馨 餐點以夜市小食/ 臭臭鍋作主打 餐點份量偏細 性價比不足🌀 蕃茄雜錦豚肉湯麻吉鍋類似一人鍋 份量偏少 不過配料幾豐富 有一份豚肉/貢丸/花枝丸/墨魚香腸/蜜糖腸/娃娃菜/金針菇/炸枝竹/炸豆腐 湯頭豚肉香明顯 蕃茄味反而偏淡 底層蔬菜都吸曬高湯味 好香甜🌀 鹽酥雞芝士蛋餅蛋餅口感煙韌 包裹住生菜/肉鬆/香脆鹽酥雞 表面再加上大量芝士醬同七味粉 微辣偏鹹 相對重口味🌀 溏心蛋焢肉飯呢個好食! 焢肉大大塊 瘦肉同肥肉嘅比例唔錯 唔會太肥膩 肉質唔夠細嫩 淋上香甜滷肉汁 超級好送飯🌀 起司咖哩蔬菜豬扒豬扒外層粉漿炸得香脆 口感有點像可樂餅 幾精緻 起司及咖哩味都好濃郁 咖哩偏辣 呢間餐廳所有出品都傾向重口味🌀 開心果奶蓋鮮奶開心果醬融於牛奶中 再於表層加上邪惡奶蓋 灑上大量開心果碎 飲落有香濃開心果香 (不過甜度係冇得調整)