川味亭 (已結業)

原先以為串燒間間差唔多，今次來到尖沙咀P3出口的川味亭，發現用新鮮食材烤乾是不一樣的！唔需要超重調味，都可以好好食。.焦糖烤菠蘿，脆卜卜的焦糖，配juicy菠蘿，估唔到咁好食🤩 要試呀！新鮮扇貝大大粒，上枱時滾燙，蒜香撲鼻。先呷一口汁，充滿牛油蒜香，再嚐帶子肉，滿足！🥰蒜蓉海大蜆，完全無沙👍 蒜蓉牛油浸著海蜆，新鮮入味，仲要有十幾粒咁多。嫩豆腐切成小粒，用蒜蓉湯浸著，是一個暖胃的滑豆腐湯，最適合在冬天吃。日式芝士年糕，內裡流心🧀（第5張相）烤烘時間掌握得很好。朋友點了雞心，我第一次食，估唔到幾好食，爽口有點像雞腎。烤甜蕃薯，別小看它size迷你，但甜度驚艷😃，有驚喜！必點！另外，嚐了韭菜、豆卜，同樣烤得香脆惹味。整體食物質素高，選擇亦多。由於每道菜要新鮮烤烘，所以記得一次點多款食物，耐心等待呢。