芝樂坊餐廳

呢間芝樂坊最出名就係食芝士蛋糕，試咗一個檸檬味嘅，我覺得還可以，反而比較出色嘅係佢嘅主食《炸魚薯條》$178份量非常之大，每一舊魚都係扒嘅size，魚肉非常嫩滑，炸粉亦都非常薄，口感唔錯。《蝦及雞肉雜燴濃湯飯》$198呢個飯係最出色嘅一樣，雞肉同蝦都好大粒，佢個汁好濃稠，配飯食係會有令人想食完一啖又一啖嘅感覺《香辣路易斯安娜雞肉蝴蝶粉》$188蝴蝶粉嘅形狀啱啱好就可以令到呢個意粉嘅汁掛晒上去，加上佢辣辣地非常嘢味同埋佢上面嘅炸雞塊好大塊，切開嘅話幾乎係每啖意粉都可以配肉嘅程度！總括來講非常滿足！每一碟嘅份量都好多，係比幾個朋友分享嘅份量，如果遲啲有聚會嘅話嚟呢度就啱晒啦！