朋友從外國回港探親，話好掛住香港的中餐，今日特意為佢準備了一個可以邊望維多利亞港夜景邊食中菜邊暢談。地點位於尖沙咀，地鐵站一出就到商場，餐廳係高樓層，裡面270度都可以睇到海景，整個廳闊落坐得舒服。
三蝦乾撈粉絲煲
鮮蝦彈牙，蝦乾鹹香，粉絲幼細而且乾身爽口，吸滿蝦的香味而不油膩，配上蔬菜，口感豐富
經典回味蜜汁叉燒皇
肥瘦均勻，色澤油潤，外面微微燶脆，滿有焦香，蜜汁甜度恰到好處，加上叉燒醬汁平衡甜鹹度，不會過於濃味，呈現港式叉燒的經典風味
蒜蓉粉絲蒸大元貝
蒜蓉香味濃郁，元貝鮮味，粉絲索滿精華，非常惹味，蒜蓉粉絲真是元貝的絕配
平日都好多枱客，呢度仲有套餐、大閘蟹放題、適合家庭朋友一齊享用。邊食邊傾計，快樂不知時日過，下次要等你再返嚟再聚再去食好東西。
4
16
7
13
2
