Amina Modern European (已結業)

叫咗5-course晚餐首先有自家製麵包，麵包有好幾款，揀咗芝麻包同軟豬仔，麵包非常之香，新鮮整起，牛油、蒜蓉及Rosemary，好香。頭盤係鹿兒島帶子刺身蟹肉包配香檳提子啫喱及香橙鮮忌廉汁。 賣相幾靚透明皮包住，面上有飛魚子。帶子食落新鮮，入面蟹肉好豐富。香檳提子啫喱甜甜地幾特別。芝士炸春卷，賣相幾得意幾特別，芝士唔會太濃味，入面有少少鹹鹹地，幾creamy.金華火腿香草白酒忌廉湯，好似中西合璧咁，金華火腿有鹹香，配上白酒忌廉湯估唔到幾夾。西班牙辣肉腸及青蘋果意大利飯。呢度嘅菜式味道剛剛好，因為西班牙腸比較重口味，佢就會配返青蘋果，令你清一清個味蕾。仲有啲泡沫喺面，淡淡的忌廉味。主菜係澳洲牛柳及炸春egg benedict。Egg benedict 做得唔錯,蛋係炸嘅，而且有流心。牛柳都煎得夠林。甜品係紅莓慕絲蛋糕，賣相整得幾靚，酸酸地，入面一層層，幾有心思。