影片
更多
2023-01-17
69 瀏覽
今日同朋友去食下午茶，打算試下新嘢，所以就去食Poke🤤可能因為係下午茶時段，啱啱入到去唔使等太耐就有位坐🤣我通常比較鍾意自選丼飯，感覺上嗰彈性會大好多，可以揀返啲我自己鍾意嘅配料🥰不過呢度都有啲已經搭配好嘅Poke Bowl，如果有選擇困難症嘅人都可以揀返呢啲～我自己就揀咗三文魚作為主菜，因為想飽肚啲就要晒全部壽司飯，但平時冇咁肚餓嘅話可能會揀一半飯一半菜，配料就揀咗係溫室青瓜、麻醬豆腐、蟹籽同埋山葵乳酪醬，額外加咗牛油果，木魚絲、脆蒜同紫菜絲都係我心頭好，可以視乎你自己嘅個人喜好❣️個人認為如果係想試新口味嘅話，山葵乳酪醬係必試之一，雖然聽上去有少少刺激，但其實係幾容易入口嘅🤣而且佢嘅牛油果都係夠熟，食上去同粒粒分明嘅三文魚，連埋醬係一個好好嘅搭配～🥑朋友仔都係揀咗三文魚作為主菜，個底就全部都係壽司飯，配料就揀咗雞蛋絲、和式青蔥同埋麻醬豆腐，佢仲加多左隻溫泉蛋🥚而醬料就選擇左蜜糖芥末醬🍯相比起山葵乳酪醬會甜多少少🤏嘢飲嗰到就叫咗杯夏威夷賓治🍹同平時飲嘅賓治唔太一樣，應該係因為多咗熱情果，所以飲上去會多咗D酸酸甜甜嘅味道👍🏻之後應該會再過嚟食蟹肉沙律，以下午茶嘅份量嚟講，都真係幾飽下，
我通常比較鍾意自選丼飯，感覺上嗰彈性會大好多，可以揀返啲我自己鍾意嘅配料🥰不過呢度都有啲已經搭配好嘅Poke Bowl，如果有選擇困難症嘅人都可以揀返呢啲～
我自己就揀咗三文魚作為主菜，因為想飽肚啲就要晒全部壽司飯，但平時冇咁肚餓嘅話可能會揀一半飯一半菜，配料就揀咗係溫室青瓜、麻醬豆腐、蟹籽同埋山葵乳酪醬，額外加咗牛油果，木魚絲、脆蒜同紫菜絲都係我心頭好，可以視乎你自己嘅個人喜好❣️個人認為如果係想試新口味嘅話，山葵乳酪醬係必試之一，雖然聽上去有少少刺激，但其實係幾容易入口嘅🤣
而且佢嘅牛油果都係夠熟，食上去同粒粒分明嘅三文魚，連埋醬係一個好好嘅搭配～🥑
朋友仔都係揀咗三文魚作為主菜，個底就全部都係壽司飯，配料就揀咗雞蛋絲、和式青蔥同埋麻醬豆腐，佢仲加多左隻溫泉蛋🥚而醬料就選擇左蜜糖芥末醬🍯相比起山葵乳酪醬會甜多少少🤏
嘢飲嗰到就叫咗杯夏威夷賓治🍹同平時飲嘅賓治唔太一樣，應該係因為多咗熱情果，所以飲上去會多咗D酸酸甜甜嘅味道👍🏻
之後應該會再過嚟食蟹肉沙律，以下午茶嘅份量嚟講，都真係幾飽下，所以唯有留返下次啦🥹🥹
張貼
