港晶軒

營業中

休息中

依間酒樓內面好大又坐得好舒服。白燈照得好光猛令人好醒神。依到有多個海鮮餐，而且樣樣海鮮都好新鮮。［海鮮三寶$588］可選大蟶子 或 鮑魚4隻東星仔1隻台山特選桶蠔 1桶所有海鮮即叫即整，所以需時；依個時候可以開定壺靚茶同出魚缸到👀住「魚樂無窮」先😂😂個邊係鮑魚、龍蝦同魚既屋企，望住佢地游好生動。台山特選桶蠔可選食法，我選了酥炸，炸左出嚟賣相好靚；炸至標準既金黃色。外脆內軟，台山蠔本身大大隻，而且咬落入口即溶。鮑魚4隻用陳皮清蒸最能突出鮮味。陳皮味道濃烈好香。鮑魚色澤白白的代表新鮮，咬落好彈牙。原條東星仔紅色的東星原條蒸，落大量蔥花提鮮；豉油上菜時是分開上及侍應根據你要的份量落，好有儀式。魚質超嫩滑入口即溶。奉送是日糖水一碗，作完美收結。