影片
更多
2022-12-29
13 瀏覽
講起香港飲cocktail嘅地方，通常大家一定會諗起中環🍹 但其實尖沙咀都有啲好有心嘅bar值得支持㗎🤩 呢間喺尖東嘅Hans Bar & Restaurant提供各式各樣嘅特色cocktail，無論傳統定創新嘅味道都飲到❤️ 老闆話想為大眾提供更多選擇，唔洗下下出到中環先飲到高質cocktail😚🌃 環境 (4.5/5)Hans Bar & Restaurant喺尖東，係好多酒吧餐廳聚集嘅地方😚 酒吧採用現代工業水泥風設計，既型格又有格調😎 Bar嘅燈光暗暗地，都幾有feel㗎🥂Bar 設有室內同室外嘅位置，枱與枱之間都隔得幾開，而且背景音樂唔會太嘈太刺耳，非常適合朋友/情侶靜靜地傾計🥰😋 酒/食物 (5/5)🍮 蛋撻 Tart-too $98🫘 紅豆 Wagashi $98💃🏻 Perfect Lady $98🥃 Sazerac $118🍟 避風塘薯條 $58🐮 燒厚切牛舌 $118🍱 日式前菜拼盤 $128Hans Bar & Restaurant 主打創意高質cocktail，黎到一定要試吓佢哋嘅signature items🤩 蛋撻酒如其名，真係好似一杯飲得嘅蛋撻咁😋 Rum
呢間喺尖東嘅Hans Bar & Restaurant提供各式各樣嘅特色cocktail，無論傳統定創新嘅味道都飲到❤️ 老闆話想為大眾提供更多選擇，唔洗下下出到中環先飲到高質cocktail😚
🌃 環境 (4.5/5)
Hans Bar & Restaurant喺尖東，係好多酒吧餐廳聚集嘅地方😚 酒吧採用現代工業水泥風設計，既型格又有格調😎 Bar嘅燈光暗暗地，都幾有feel㗎🥂
Bar 設有室內同室外嘅位置，枱與枱之間都隔得幾開，而且背景音樂唔會太嘈太刺耳，非常適合朋友/情侶靜靜地傾計🥰
😋 酒/食物 (5/5)
🍮 蛋撻 Tart-too $98
🫘 紅豆 Wagashi $98
💃🏻 Perfect Lady $98
🥃 Sazerac $118
🍟 避風塘薯條 $58
🐮 燒厚切牛舌 $118
🍱 日式前菜拼盤 $128
Hans Bar & Restaurant 主打創意高質cocktail，黎到一定要試吓佢哋嘅signature items🤩
蛋撻酒如其名，真係好似一杯飲得嘅蛋撻咁😋 Rum based 加入淡奶，蛋白同蛋黃🥚 入口甜而不膩，而且帶有焦糖同雲尼拿香，女仔一定鍾意❤️老闆話面層嘅custard泡沫有突登調教甜度，細節滿分💯
紅豆cocktail超驚艷🥰 Cocktail base用咗vodka加入紅豆蓉同埋焙茶慢煮半個鐘，將食材嘅香味逼出黎🫘 紅豆蓉係用傳統日本和菓子嘅紅豆餡，而焙茶嘅after taste中和咗紅豆嘅甜味，好balanced而且有層次，必試👍🏻
除咗signature cocktail之外我哋仲嗌咗classic cocktail😚 有時往往係最傳統最簡單嘅cocktail先最考到調酒師嘅功架🥃 Perfect Lady桃味清新香甜🍑 飲得出Gin味但酒精味唔會過重，整體黎講幾refreshing❣️
男朋友鍾意啲比較masculine嘅味道😆 老闆知佢飲開Negroni同Old Fashioned就推薦佢試Sazerac🥃 Sazerac嘅苦味無Negroni咁強烈，但就多咗陣herbal味🌿 我自己就唔多識欣賞，但我男朋友就話幾特別幾唔錯😆
除咗酒之外，bar都有提供finger snacks同bar food比大家過吓口癮😚 避風塘薯條有好多蒜粒同乾辣椒，香脆惹味，餸酒一流🍟 牛舌燒得啱啱好唔會過韌，得3串好唔夠喉🥹
日式前菜拼盤非常豐富🍱 燒雞泡魚乾甜甜地好有口感😋 酒盜芝士同明太子好鹹香，雖然有啲人會覺得腥但我又可以接受😆 好適合配啲濃味嘅酒🥃 老闆同我哋傾得開心，仲比我哋試吓佢哋嘅mulled wine應節🍷 Mulled wine甜甜地有焦糖香味，同出面飲嘅好唔同，絕對係誠意之作👍🏻
老闆話如果餐廳比較得閒嘅時候仲可以比客人試吓自己調酒添🤩🤩 希望下次有機會試到🍹
💰 價錢 (4.5/5)
Average $400/pp (Cocktail & Snacks)
Hans Bar & Restaurant嘅cocktail真係幾抵飲，大部份嘅酒都係$100左右，價錢比起中環真係平好多🍹 言談間聽得出老闆好有熱誠，對自己嘅出品好有要求，絕對值得支持❤️🔥
張貼
