影片
更多
2022-12-13
109 瀏覽
放工收得夜，同同事成九點幾都未食嘢。我醒起尖東交界有間串燒店叫「川味亭」，之前喺度食過晏唔錯，打咗電話去問確定無咁早閂就起行🌚。小店裝修簡約，但都算乾淨企理，而且無其他串燒店慣常嘅油煙味。窗戶四周圍都貼咗食物相片，並溫馨提示製作需時⏳，不過實際上菜速度都算快。同時，我認為餐廳定價屬合理水平。我叫咗一份套餐🥢，全日供應，跟配飯或麵，感覺比較飽肚。套餐有啲似川式冒菜或港式車仔麵，可自選配菜、湯底同麵底。我要咗G餐($78)，包墨魚餅、2款配菜同1粉麵。唔好睇湯底咁淺色，我其實係嗌咗麻辣，不過BB辣🌶，食落並非無味，而係輕輕滲出，但下次會試小辣，應該都接受到。再者，湯底放入蒜蓉同芫茜，份外惹味。🍜我要咗粉絲做麵底，又爽又索味，但有啲菜式墊底都有粉絲，如果唔想重覆就嗌第樣。由於墨魚餅賣晒，所以轉咗炸蝦餅🦐。蝦餅好吸引，勁大塊，分到七至八嚿；喺泰國餐廳齋食佢都要咁嘅價錢。蝦餅真材實料，蝦膠彈牙！另外兩款配菜就揀咗風琴豆腐同油麥菜，兩樣均係索湯之選。法式鵝肝多士($68)，我哋完全無諗過小店嘅出品咁出色😈，好食過唔少西餐廳。鵝肝好大件，煎至外脆內軟，入口即溶，好邪惡，就連墊底嘅多士索晒味都好正🍞。
放工收得夜，同同事成九點幾都未食嘢。我醒起尖東交界有間串燒店叫「川味亭」，之前喺度食過晏唔錯，打咗電話去問確定無咁早閂就起行🌚。
小店裝修簡約，但都算乾淨企理，而且無其他串燒店慣常嘅油煙味。窗戶四周圍都貼咗食物相片，並溫馨提示製作需時⏳，不過實際上菜速度都算快。同時，我認為餐廳定價屬合理水平。
我叫咗一份套餐🥢，全日供應，跟配飯或麵，感覺比較飽肚。套餐有啲似川式冒菜或港式車仔麵，可自選配菜、湯底同麵底。我要咗G餐($78)，包墨魚餅、2款配菜同1粉麵。
唔好睇湯底咁淺色，我其實係嗌咗麻辣，不過BB辣🌶，食落並非無味，而係輕輕滲出，但下次會試小辣，應該都接受到。再者，湯底放入蒜蓉同芫茜，份外惹味。🍜我要咗粉絲做麵底，又爽又索味，但有啲菜式墊底都有粉絲，如果唔想重覆就嗌第樣。
炸蝦餅
1 瀏覽
0 讚好
0 留言
法式鵝肝多士
$68
1 瀏覽
0 讚好
0 留言
海大蜆
$58
1 瀏覽
0 讚好
0 留言
蒜蓉扇貝($68/2隻)，🐚扇貝開邊蒸，並無蒸到過熟或變韌，而且又係肥大鮮甜，但蒜蓉味就比海蜆嗰款強。
安格斯牛仔骨($58)，🥩牛仔骨有三件，燒得幾香口，雖然外層燒得稍為乾咗啲，但肉質唔嚡，而且肉味都算濃。
豬頸肉($25)以及特選牛仔肉($28)，兩款都係大啖肉之選，啲肉絕對唔係殭屍肉，所以唔使用大量味粉醃製。🐷豬頸肉肉質爽口，兼且唔肥膩。🐮牛仔肉類似牛柳，食落都算多汁。
深海大墨魚咀($28)以及雞軟骨($15)，兩款同樣係粒狀同脆卜卜。🦑墨魚咀好食，但得五粒有啲唔夠喉，因為食開嘅都係一兜兜嘅炸物。🍖雞軟骨就無乜特別，係扁籤M字頭嗰隻貨。
食咗咁多海鮮同肉，我哋嗌咗啲蔬菜💚，包括翠玉瓜($15)、娃娃菜($15)以及粟米($18)。燒蔬菜不比其他串燒失色，佢哋無燒到乾晒，燒完都仲保持翠綠。蔬菜味道較清，所以味粉香較突出。🌽燒粟米最後送上，冇諗過原條上，而且仲超巨型。粟米燒得好靚，好均匀，爆晒汁。
飲品方面🥤，我哋要咗青檸梳打($28)同菠蘿冰($28)，兩杯一啲都唔馬虎，好夠味，唔係求其落兩片檸檬同菠蘿。嘢飲大大杯，清涼解渴，配串燒食一流！
總括嚟講，呢間串燒店味道出眾🍢，市面上越來越多呢類型食店，但質素參差，亦令我覺得整串燒唔需要技巧。不過小店嘅出品唔同，燒烤火候控制得宜，調味恰到好處；我要咗微辣，香而不烈，唔重口味。最後，店內兩位女店員亦好有禮貌，抵讚啊👍。
張貼
