早排見到尖沙咀開咗一間韓國自助餐，就已經好想食，嚟緊就嚟自己生日，就一於帶埋媽咪一齊去食。
先係OpenRice book枱，就會有discount。
入座後就先去看吓有咩嘢食，見到有我最鍾意食嘅
🌸醬油蟹、醬油蝦、醬油鮑魚、仲有30多款嘅壽司、有些還要即叫即做的壽司、還有涼拌區例如有涼拌菠菜、醃漬蘿蔔、生牛肉、水梨絲、醬辣魷魚等等。
🌸熟食方面還有好多款例如有紅蟹、蒸鮑魚、蒸生蠔、酥皮濃湯、炸雞、魚糕串、海鮮湯麵、炸醬麵、韓國餃子、香蔥煎餅、韓國pizza、還有自助煮韓國方便麵。
🌸飲品方面，有多款飲品、有鮮榨果汁、自助熱果茶、咖啡機。
🌸甜品方面有cupcake、冬甩、格仔餅、糖果、雪糕、有多款韓國人氣雪條、自助斟軟雪糕。
由於食物款式繁多，我哋都冇全部吃過，只揀了一些自己喜歡吃的款式，但所有海鮮都非常新鮮，而且非常鮮甜可口。飲品就比較喜歡飲鮮榨果汁，睇住店員榨真係好治癒啊。
但真係好好味呀，下次都要再嚟吃多次！
真係鍾意食蟹嘅人，一定唔可以錯過呢一度嘅自助餐呀！
