影片
更多
2024-02-16
1925 瀏覽
自從離開左香港之後，已經有14個月冇返黎，所以返黎哩個星期都日日約左唔同朋友飯聚，其中一個朋友就介紹黎港威哩間打卡泰菜餐廳。餐廳店面都唔細, 不過估唔到平日lunch time都唔少人, 就算過左lunch hour都依然有反枱。哩度最出名一定係哩個韆鞦打卡位，我地當然都唔執輸影返張。靠窗哩排特色位都好靚，不過當然坐滿人，我諗要預早book枱先有。佢地嘅lunch set包左沙律、湯、主菜同餐茶，價錢由$138至$178，唔夠仲可以top up小食或者甜品，野飲方面除左普通餐茶，亦可以加錢轉其他特飲。沙律有菜、番茄、菠蘿同肉粒，雖然冇醬汁，但都ok嘅。湯就有冬陰功同是日餐湯，冬陰功雖然冇蝦喺入面，不過都幾多草菇，味道酸多過辣，好開胃。是日餐湯係南瓜忌廉湯，口感順滑，好香南瓜味。主菜我地叫左一個飯一個麵，哩個係泰式豬肉炒河($138)，份量對版，河粉唔會太厚或者太油，自己可以按個人喜好撈埋碟邊嘅辣椒碎同砂糖，豬肉量都正常，醃得入味肉質亦唔會太鞋。另一個主菜我地揀左泰式海南雞飯($148)，海南雞幾滑，切得靚靚仔仔冇碎骨，重點個油飯好香又唔會太腍。跟餐加$48可以要埋個芒果糯米飯，糯米飯上
餐廳店面都唔細, 不過估唔到平日lunch time都唔少人, 就算過左lunch hour都依然有反枱。
哩度最出名一定係哩個韆鞦打卡位，我地當然都唔執輸影返張。
靠窗哩排特色位都好靚，不過當然坐滿人，我諗要預早book枱先有。
佢地嘅lunch set包左沙律、湯、主菜同餐茶，價錢由$138至$178，唔夠仲可以top up小食或者甜品，野飲方面除左普通餐茶，亦可以加錢轉其他特飲。
沙律有菜、番茄、菠蘿同肉粒，雖然冇醬汁，但都ok嘅。
湯就有冬陰功同是日餐湯，冬陰功雖然冇蝦喺入面，不過都幾多草菇，味道酸多過辣，好開胃。
是日餐湯係南瓜忌廉湯，口感順滑，好香南瓜味。
主菜我地叫左一個飯一個麵，哩個係泰式豬肉炒河($138)，份量對版，河粉唔會太厚或者太油，自己可以按個人喜好撈埋碟邊嘅辣椒碎同砂糖，豬肉量都正常，醃得入味肉質亦唔會太鞋。
另一個主菜我地揀左泰式海南雞飯($148)，海南雞幾滑，切得靚靚仔仔冇碎骨，重點個油飯好香又唔會太腍。
跟餐加$48可以要埋個芒果糯米飯，糯米飯上枱仲係暖暖地，食落煙煙刃刃好正，芒果香甜冇渣。
餐廳雖然以打卡餐廳做招徠，不過野食真心唔錯，而且座位唔會太迫坐得好舒服，不過留意繁忙時間可能會有入座時限。
張貼
