影片
更多
2023-10-20
119 瀏覽
過咗中秋之後天氣轉涼，又到咗最正嘅打邊爐季節😙😙呢間8鍋臭臭鍋有幾間分店，鍾意佢一人一鍋配搭好哂，啱哂我呢D懶人 😆 佢有好多湯底選擇，有D出面都好少見，例如古早三杯鍋、芝士牛奶鍋～今次叫咗佢個「酸辣羊肉鍋」，追加咗一份鴨血 (2片) 同埋蓮藕，餐飲就叫咗金桔檸檬梳打🍹，連埋加一都只不過係$150！有90分鐘可以俾你慢慢食～唔趕時間既話，自私食邊爐都幾爽😆通常一上鍋，就會忍唔住試吓佢個湯底😆 呢個湯有好多酸菜，最正既係唔會太咸，如果平時鍾意食酸辣米線既話，呢個湯就啱哂！😙 佢個湯底好夠味，基本上都唔使再點豉油～我見佢落單果陣，肉類係有得揀，所以唔食羊肉但想食酸辣湯底都可以架！😋成個鍋有勁多配菜，包括油條、蜆、娃娃菜、雲耳、支竹、台灣丸甜不辣等等，入面已經有埋一份粉絲，唔夠食都可以免費追加一份，所以一定會食到好飽、好滿足！咁多個配菜入面，個人就大推鴨血，本身已經有少少調味而且超嫩滑😋 台灣風味即時提升至MAX 🈵餐飲方面，佢都有勁多選擇，除咗基本款紅、綠茶、奶茶，仲有冬瓜茶、梳打、沙冰，仲可以加椰果、寒天、珍珠、果肉，一定有一款岩你飲🧉後記：如果搭地鐵，可以喺佐敦D出口行過去，會近少少～
呢間8鍋臭臭鍋有幾間分店，鍾意佢一人一鍋配搭好哂，啱哂我呢D懶人 😆 佢有好多湯底選擇，有D出面都好少見，例如古早三杯鍋、芝士牛奶鍋～
今次叫咗佢個「酸辣羊肉鍋」，追加咗一份鴨血 (2片) 同埋蓮藕，餐飲就叫咗金桔檸檬梳打🍹，連埋加一都只不過係$150！有90分鐘可以俾你慢慢食～唔趕時間既話，自私食邊爐都幾爽😆
通常一上鍋，就會忍唔住試吓佢個湯底😆 呢個湯有好多酸菜，最正既係唔會太咸，如果平時鍾意食酸辣米線既話，呢個湯就啱哂！😙 佢個湯底好夠味，基本上都唔使再點豉油～
我見佢落單果陣，肉類係有得揀，所以唔食羊肉但想食酸辣湯底都可以架！😋
成個鍋有勁多配菜，包括油條、蜆、娃娃菜、雲耳、支竹、台灣丸甜不辣等等，入面已經有埋一份粉絲，唔夠食都可以免費追加一份，所以一定會食到好飽、好滿足！
咁多個配菜入面，個人就大推鴨血，本身已經有少少調味而且超嫩滑😋 台灣風味即時提升至MAX 🈵
餐飲方面，佢都有勁多選擇，除咗基本款紅、綠茶、奶茶，仲有冬瓜茶、梳打、沙冰，仲可以加椰果、寒天、珍珠、果肉，一定有一款岩你飲🧉
後記：如果搭地鐵，可以喺佐敦D出口行過去，會近少少～
張貼
