8鍋臭臭鍋 (金巴利道)

8鍋臭臭鍋 (金巴利道) (已結業)

8Pots HK (Kimberley Road)
8鍋臭臭鍋 (金巴利道) (已結業)
611
118
18
35.6K
florachan1029
中午抵食邊爐
florachan1029
等級4
2024-06-13
440 views
Follow
行過門面唔太起眼。係同事介紹呢頭附近有一間好平嘅台式火鍋店先知。 午市時間,人流不算太多。午市餐牌有麵食/定量邊爐(臭臭鍋)。我揀左個$72嘅養生藥膳鍋,呢個餐可跟白飯、粉絲或麵。個鍋料不太多肉,比較多蔬菜類,有一粒牛丸,中午唔使食咁滯都好。仲有其他湯底可以揀,例如:臺式麻辣鍋,芝士牛奶鍋,招牌臭臭鍋etc.. 套餐跟一杯免費嘢飲,可揀紅茶、茉莉茶&etc.. 特別配料如椰果/珍珠就要額外加錢。 Read More
The above review is the personal opinion of a user which does not represent OpenRice's point of view.
Like
Share
Report
Ratings
3
Taste
3
Decor
5
Service
3
Hygiene
5
Value
marklmst
火鍋好吸引
marklmst
等級3
2024-05-14
520 views
Follow
一直以來,都想搵間健康嘅火鍋嚟食吓,不過出面通常都係好邪惡。今日終於俾我搵到一間健康嘅火鍋店!朋友推介呢個清湯嘅湯底,素菜都係自己飲點,我最鍾意呢個,腐婆冬菇南瓜蟹柳,全部都係比較健康嘅食材,就算食多少少都唔會覺得內疚,哈哈😉另一個火鍋都好吸引,連藕冬菇為主嘅。平時鍾意食素食嘅你,一定覺得呢間火鍋店好吸引!整體環境都舒適,位置寬敞,仲好熱鬧!下次如果遇到鍾意素食嘅朋友,一定會推介佢哋黎呢度!😆Read More
The above review is the personal opinion of a user which does not represent OpenRice's point of view.
Like
Share
Report
Ratings
4
Taste
4
Decor
5
Service
4
Hygiene
4
Value
Recommended Dishes
芝士牛奶鍋
招牌臭臭鍋
藥膳羊肉鍋
Wincy9445_foodie
再訪,食物味道依舊,份量縮水
Wincy9445_foodie
等級2
2024-04-10
622 views
Follow
今次唔係第一次食,不過同上一次食已經隔左好一段時間貪佢一人一鍋打邊爐,同行人可以揀自己中意既湯底職員會帶位,提供QR Code落單,溫馨提示有交枱時限香蒜濃湯鍋 配粉絲 $92湯底可自由選擇辣度,超多蒜泥,物如其名,十分濃郁!芝士牛奶鍋 配白飯 $92湯底鹹香!加配 熱招牌奶茶  $29味道普普通通,由大杯裝轉左細杯裝今次發現食物同飲品都大縮水。以前每鍋都會有配豬/牛/雞類,好似落單App圖片咁。今次去到上菜先發現鍋入面冇晒,睇多次個落單App先發現圖片同下面食物字眼係有出入,肉類需要加配。不過職員都比我地後加。加配200g雞腿肉 $20加配200g美國肥牛片 $28Read More
+ 3
The above review is the personal opinion of a user which does not represent OpenRice's point of view.
Like
Share
Report
Ratings
3
Taste
3
Decor
4
Service
3
Hygiene
3
Value
cheese.cky
香港少見嘅臭臭鍋
cheese.cky
等級3
2024-02-01
718 views
Follow
香港少見嘅臭臭鍋食評稿件去完台灣返嚟超級掛住臭臭鍋所以喺香港搵咗間食臭臭鍋嘅呢閰臭臭鍋嘅味道都正宗雖然臭豆腐就一定冇台灣𠴱啲𡄻得咁入味同咁臭㗎喇而且鴨血都一定冇台灣𠴱啲咁好味不過湯底嘅味道都相似嘅可以解吓我嘅思念台灣嘅情而佢嘅份量都足夠小火鍋嚟講一個人份量啱啱好而旦可以加錢嗌台式飲品推介大家加佢個滷肉飯食因為佢嘅滷肉飯好好味啲醬汁都好夠 而且滷肉都好入味價錢當然唔可以用台灣嘅臭臭鍋來比較啦但以香港價錢嚟講$100左右小火鍋有飯又有嘢飲都已經算抵而旦好味Read More
The above review is the personal opinion of a user which does not represent OpenRice's point of view.
Like
Share
Report
臭臭鍋無臭味……so sad
2024-04-17
Reply
Ratings
4
Taste
4
Decor
4
Service
4
Hygiene
4
Value
Recommended Dishes
招牌臭臭鍋
Bunnytummy.hk
由大學時期開始食😋
Bunnytummy.hk
等級3
2024-01-20
791 views
Follow
📍8鍋臭臭鍋 (金巴利道)尖沙咀金巴利道77號地舖臺式麻辣鍋 - 小辣、肥牛片 $119+ 一口酥炸臭豆腐 (4粒) $1芝士牛奶鍋 - 肥牛片$119+ 一口酥炸臭豆腐 (4粒) $1+ 檸檬冬瓜茶 $29之前成日同女朋友講呢間好食,但一路都冇同佢食,今日收工就專程黎食先🤣唔講唔覺,呢間餐廳喺香港好似都開咗十年以上,但到今時今日仲係咁受歡迎😆好彩我地黎得早,唔洗等位,我地坐低冇耐之後就開始要排隊啦🤣今次食番同之前既感覺差唔多,雖然天氣好熱,但好在餐廳冷氣夠勁,夏天打邊爐一樣咁爽😋不過我地食到一半先發覺,原來呢兩個鍋係冇臭豆腐!🥶我最印象深刻就係佢地既臭豆腐🤤雖然係咁,兩個鍋都好好食😋同依家快餐店一人邊爐既分別係佢既餸偏向台式,同埋湯底多較多選擇😆當然我個人就覺得招牌臭臭鍋最好食😋#bunnytummy_九龍#bunnytummy_佐敦#bunnytummy_火鍋#bunnytummy_台灣菜#8potshk#香港foodie #食好西 #香港美食 #hkfoodblogger#hkfoodie #hkig #香港好去處 #拍拖好去處Read More
The above review is the personal opinion of a user which does not represent OpenRice's point of view.
Like
Share
Report
Ratings
4
Taste
3
Decor
3
Service
3
Hygiene
3
Value
bitebite.88
8鍋臭臭鍋除左平 冇咩優點
bitebite.88
等級4
2024-01-04
467 views
Follow
8鍋臭臭鍋係台灣過江龍火鍋店,係台灣開到黎香港都唔容易,但香港本身既火鍋實在太好食,我覺得8鍋臭臭鍋除左平冇咩優點。臭臭鍋的湯底:招牌臭臭鍋、芝士牛奶鍋及臺式麻辣鍋,麻辣鍋可以挑戰魔鬼辣。3款湯都冇咩太大驚喜,3款之中比較中意芝士牛奶鍋。臭臭鍋的配料有高麗菜,100克雞脾肉(肉要加錢),一條甜不辣,3粒丸,薄豆腐皮同主食(可以選米粉、飯同王子麵。王子麵同公仔麵比都係公仔麵好食d,品質唔錯好。飲料都係麻麻。奶荼唔係好有茶味。朱古力好淡。Read More
The above review is the personal opinion of a user which does not represent OpenRice's point of view.
Like
Share
Report
Ratings
3
Taste
3
Decor
3
Service
3
Hygiene
3
Value
Recommended Dishes
芝士牛奶鍋
Rickytheking
可試可不試
Rickytheking
等級1
2023-11-21
584 views
Follow
我去試咗8鍋臭臭鍋喇話真係,佢哋嘅招牌臭臭鍋真係好特別㗎,裡面有好多款配料,包括鵪鶉蛋、鴨血、大腸、牛肉丸、小墨魚、金菇菜、韭菜同臭豆腐。品種多到爆,但唔該留意,每一樣食材嘅份量都算係少少咁我就揀咗湯底嘅小辣,辣度唔算太刺激,啲辣味係可以接受嘅範圍。午市嘅價錢係68加一,如果計優惠的話,其實都算係抵食不過味道就一般般啦,冇特別出眾嘅地方。不過最後食完之後,我覺得肚子有啲唔舒服,有少少嘅不適感8鍋臭臭鍋嘅招牌臭臭鍋有好多款選擇,唔貴嘅價錢,但係味道普通,而且食完之後可能會有啲唔舒服。如果你追求多樣化嘅配料同埋唔介意份量少少嘅話,午市可以試下。Read More
The above review is the personal opinion of a user which does not represent OpenRice's point of view.
Like
Share
Report
Ratings
3
Taste
4
Decor
4
Service
3
Hygiene
5
Value
fayfaygirl1984
一人台式火鍋🍲大人小朋友食得開開心心
fayfaygirl1984
等級4
2023-11-18
388 views
Follow
有時想快速打邊爐就會揀呢間😋因為台式風味,有辣有唔辣小朋友可以食佢個香濃芝士🧀️牛奶鍋我自己就可以食過如果係🔥麻辣鍋,一人一鍋超級開心😊【台灣火鍋美食推介】🍲🌶️臺式麻辣鍋🌶️這款麻辣鍋絕對是辣味愛好者的最愛!配料種類繁多,有娃娃菜、麻辣餃、甜不辣、福州魚蛋、龍脷柳、鴨血、沙白、米血糕、大腸、魷魚圈、老油條、金針菇、炸枝竹、王子麵(半個)、鳴門卷、青豆角等等,口感豐富多樣。每一口都能感受到辣味的刺激和香氣的撲鼻而來,讓你欲罷不能!🧀芝士牛奶鍋🧀這款芝士牛奶鍋結合了芝士和牛奶的香濃口感,絕對是味覺的享受!配料包括娃娃菜、日本南瓜、豆皮蝦捲、香菇貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、王子麵(半個)、芝士片、蛋餃、黃金魚籽球等等,口感豐富多層次。每一口都能感受到濃郁的芝士味和牛奶的滑順口感,讓你愛不釋手!除了這兩款火鍋,台灣還有許多其他美味的火鍋選擇,例如台式肉燥飯等等。無論你喜歡辣味、芝士還是其他口味,台灣火鍋絕對能滿足你的味蕾需求!快來一起享受台灣火鍋的美食之旅吧!🥢🍜Read More
+ 6
The above review is the personal opinion of a user which does not represent OpenRice's point of view.
Like
Share
Report
Ratings
5
Taste
5
Decor
5
Service
5
Hygiene
5
Value
*.__..WING*_.__.
被🇰🇷食店包圍的台式火鍋小店🍲
*.__..WING*_.__.
等級4
2023-11-10
2K views
Follow
係韓國食店林立嘅街道,呢間火鍋小店顯得格外突出,見到佢個火鍋Menu圖文並茂咁清晰列明每款鍋底嘅食材,飲品選擇有二十多款,入去support 吓小店先店舖名係「8鍋臭臭鍋」,鍋底選擇有8款,揀咗”特濃沙茶鍋”主食加咗$10試吓”黑金滷肉飯”飲品揀咗”葡萄柚綠茶”另外追加”安格斯牛肉”,”白豚肉片” 同埋 “雜錦丸拼盤””特濃沙茶鍋(小辣,走芫荽)”特濃沙茶鍋底食材有:娃娃菜、牛丸、蔥爆貢丸、沙白、粟米、金針菇、炸枝竹、鳴門卷、豆皮花枝捲、番茄、甜不辣、青豆角 同 少量粉絲特別喜歡牛丸、蔥爆貢丸 同 豆皮花枝捲“黑金滷肉飯”甜甜哋嘅滷肉飯,好味😋呢$10 值得加“安格斯牛肉”賣相一般但質素都唔錯啵“白豚肉片”估唔到$16 嘅份量又唔少啵瘦瘦嘅豚肉正正係我杯茶“雜錦丸拼盤”可按個人喜好,自選三款丸丸揀咗牛丸,福州魚蛋,花枝丸因為試咗火鍋底裏面粒牛丸,覺得幾好味,所以encore牛丸另外,福州魚蛋又係我杯茶😌花枝丸就正正常常啦葡萄柚綠茶有埋柚子果肉嘅凍綠茶,啱晒一路打邊爐,一路飲成日幫襯連鎖任食火鍋店,呢晚係呢間火鍋小店有另一番味道環境相對寧靜,幾啱同朋友傾偈;因為唔係任食形式,唔會忍唔住而食過量,相對健康值得一提嘅係,幾位年輕店員有禮貌之餘,手腳亦勤快,對我喺揀湯底有選擇困難症嘅時候向佢哋提問都會細心回答😜呢次支持小店體驗非常良好Read More
+ 7
The above review is the personal opinion of a user which does not represent OpenRice's point of view.
Like
Share
Report
十一月已經加咗價,重要套餐冇嘢飲
2023-11-23
Reply
O……唉…生意難做😥
2023-11-24
Ratings
4
Taste
4
Decor
5
Service
4
Hygiene
4
Value
Frances Yau
好食臭臭鍋
Frances Yau
等級4
2023-11-06
250 views
Follow
之前食過台灣臭臭鍋,覺得好食,想食多次。就搵到呢間出名啲嘅餐廳,就同朋友一齊嚟食。而我地叫了一個鍋share食,加啲配料,好似打邊爐咁😆😆⭐️小辣秘製酸辣鍋原先配料都幾多下,有豆皮蝦捲、米血糕、甜不辣、龍脷柳、凍豆腐、木耳、老油條、沙白、炸枝竹、粉絲……,每款少少份量可以淺嘗。再追加了肥牛片、娃娃菜、粟米、烏冬、鴨血。最鍾意❤️食呢款台灣臭臭鍋嘅原因係本身個鍋配料好多,同埋係台灣獨有的配料,其中最鍾意米血糕、甜不辣、鴨血,味道好特別。呢款湯底酸辣偏酸,啲粉絲係完全吸哂啲味道,好正👍🏻👍🏻⭐️多多綠加配彩虹寒天⭐️葡萄柚綠茶兩款飲品都唔錯,都偏酸酸地,所以好解渴解膩Read More
+ 2
The above review is the personal opinion of a user which does not represent OpenRice's point of view.
Like
Share
Report
Ratings
4
Taste
4
Decor
4
Service
4
Hygiene
4
Value
tzewingyiu
一人火鍋必選✨
tzewingyiu
等級3
2023-11-06
175 views
Follow
最近天氣終於變得清涼,又係打邊爐嘅好季節!想平平地又食多啲種類,@8potshk 8鍋臭臭鍋嘅1人火鍋就岩曬🌟咩配料都有啲,岩曬少人但又想打邊爐嘅聚會🤗基本上秋冬天諗唔到食乜都會去食佢。-每個餐都跟王子麵/粉絲/白飯,食得台式火鍋,王子麵係必點的,尤其係叫麻辣湯底,雖然佢本身已經有半個王子麵,但吸曬啲湯汁嘅麵真係好正,重口味人士岩晒。除咗麵之外,麻辣鍋嘅大部份配料都係非常吸湯,包括娃娃菜、甜不辣、鴨血、枝竹、油炸鬼等等。湯底愈煮愈濃味。-另外當然要叫佢哋嘅招牌臭臭鍋,所謂嘅臭臭係指臭豆腐煮成嘅湯底,係台灣特有嘅風味。配料都非常有台灣特色,例如甜不辣、米血糕、台灣貢丸等等,記得要調配埋勁多蒜蓉嘅豉油,點埋一齊食,絕對係重口味之選!-打邊爐一定要配一杯冰凍嘅飲品,呢度提供埋手搖肥仔水,即叫即沖。叫咗會益力多乳酸沙冰,非常解渴解辣!-*8鍋臭臭鍋 TST*地址:尖沙咀金巴利道77號地舖Read More
+ 1
The above review is the personal opinion of a user which does not represent OpenRice's point of view.
Like
Share
Report
Ratings
5
Taste
4
Decor
5
Service
4
Hygiene
5
Value
ching9898
一個人原來都可以食台式邊爐😆
ching9898
等級4
2023-10-30
156 views
Follow
-🍲8鍋臭臭鍋 📍尖沙咀金巴利道77號地舖🥣招牌臭臭鍋 hkd 120諗唔到食邊款好 就選擇左招牌呢款😎 今次食唔辣嘅!入面包括有白豚肉 都幾爽口 唔會太老~仲加左手王子麵 (hkd 10) 食台灣野加王子都是常識吧🤪再配鴨血 (hkd 12) 都幾大舊 同埋索曬啲湯汁咁食仲正!!仲有啲大腸同臭豆腐,佢係硬身個隻 食落唔算太入味但呢個價錢咁多配料都唔話得🤫飲品方面有荔枝紅茶跟餐(hkd 7) 仲可以再加錢加椰果等配料味道少甜左都有啲啲甜 唔算好大杯 如果再大杯啲就更好更解渴😌🧄香蒜牛肉鍋hkd 120辣度方面選擇左少辣 都幾惹味 無咁單調~肥牛片都份量都多 一人份量尼講都足夠😳再加埋王子麵 (hkd 10),鴨血(hkd 12)等有埋油炸鬼 都幾得意 第一次打邊爐配呢個食🤣煮曬啲辣蒜汁咁食 成件事又昇華左👅仲有香蔥肉丸子 幾特別!一食啲蔥同汁都唧曬出尼🤤王子麵煮到爽口硬度適中先食 好正🫣加配左百香果綠茶跟餐(hkd 7) 味道就正常🌶️秘製香辣鴨血 hkd 42幾辣下🥵🥵但又辣得幾過癮份量有4舊 而且比起跟餐個啲鴨血再重味啲淋身啲!👻想打邊爐又驚太多嘅朋友仔可以試下食呢個😽份量一人份量岩岩好 晏就唔算太多人 可以晏就尼食✌🏻 環境方面都舒服 枱與枱之間都有空間 唔會過份迫~而且價錢方面都還好 性價比唔錯~營業時間🕰️星期一至日/公眾假期 12:00-23:00公眾假期前夕 12:00-00:00#尖沙咀美食 #尖沙咀#金巴利道 #台灣 #台灣菜#台灣火鍋#臭臭鍋#臭豆腐#大腸#台式料理 #香港台式飲品 #香港台式美食 #鵪鶉蛋Read More
The above review is the personal opinion of a user which does not represent OpenRice's point of view.
Like
Share
Report
Ratings
4
Taste
4
Decor
5
Service
4
Hygiene
4
Value
ktsfoodie
尖沙咀CP值高一人台式火鍋之選
ktsfoodie
等級2
2023-10-27
305 views
Follow
行過尖沙咀突然好想掃街食台式小食同時又好想食台式火鍋,本身打算忍痛二選一之際就搵到呢間可以滿足曬幾個願望嘅餐廳! 我地當時候係午飯時段可以點兩個一人鍋套餐,分別點左台式麻辣鍋同芝士牛奶鍋。當大部分所謂可以揀唔同湯底嘅火鍋其實都係「換湯唔換餸」,呢度佢每一個湯底都會配上唔同適合嘅食材,非常細心!台式麻辣鍋午市套餐 (HKD91)芝士牛奶鍋午市套餐 (HKD91)火鍋食材上本身見呢個價錢無乜太大期望,但份量其實非常充足,質素一啲都唔遜色,最驚喜係個款式非常之多,以芝士牛奶鍋為例,裡面有白豚肉、日本南瓜、豆皮蝦卷、鳴門卷、貢丸等等;而臺式麻辣鍋都有牛肉片、甜不辣、魚柳、鴨血、沙白、支竹等等。而去每個鍋都有王子麵非常掛湯! 最後當然都有點滷肉飯同幾款台式飲品過下掃街鋪癮!Read More
+ 1
The above review is the personal opinion of a user which does not represent OpenRice's point of view.
Like
Share
Report
Ratings
4
Taste
4
Decor
4
Service
4
Hygiene
5
Value
asuraanna
雖不驚艷但夠正宗
asuraanna
等級4
2023-10-25
137 views
Follow
這間餐廳開了很多年,是我覺得最貼近台式一人火鍋的店,價錢亦真的非常親民,但始終所有火鍋是由店家烹煮完成後再提供給客人,所以食材難免浸泡太久而變得太淋或失去某些味道,所以喜歡即烚即食的朋友或許不愛這種形式的火鍋。點了招牌臭臭鍋及台式麻辣鍋,味道說不上很讓人驚艷,食材質素中規中矩,但一人鍋而言份量都算多,好飽肚,是為了一解思台鄉愁的平價火鍋之選。Read More
The above review is the personal opinion of a user which does not represent OpenRice's point of view.
Like
Share
Report
Ratings
4
Taste
4
Decor
4
Service
4
Hygiene
5
Value
msy_1994
一人一鍋更滋味
msy_1994
等級4
2023-10-23
156 views
Follow
好鐘意揀啲一人一鍋嘅邊爐,因為唔洗同人夾個湯底實啱食!依間湯底選擇好多,而且仲有哂配料,好方便!仲有幾款調味放枱面,個蒜蓉汁係好香好正!古早三杯鍋($106),湯底係濃郁麻油同米酒嘅香味,配料就有雞腿肉、蜂巢豆腐、日式魚蛋、金菇、洋蔥、娃娃菜、粉絲等等,吸哂湯底好香好入味!餐包埋飯或者粉絲,仲可以加$10叫金黄滷肉飯,啲五花腩夠哂肥美,醬汁香濃,真係唔經唔覺食晒成碗飯!另外就試左番茄白豚鍋($91),湯底清甜帶酸酸地嘅蕃茄味,唔會太油膩得黎又開胃!配料除左豚肉仲有蓮藕、木耳、菇、粟米、蜂巢豆腐、娃娃菜等等,揀埋粉絲配依個湯底真係好夾,唔會太重味嘢飲跟餐送紅茶或者綠茶,試左茉香綠茶仲加咗彩虹寒天+$5,都香茶味仲要唔太甜,寒天又煙韌有咬口下次黎要試埋其他湯底!Read More
+ 5
The above review is the personal opinion of a user which does not represent OpenRice's point of view.
Like
Share
Report
Ratings
5
Taste
4
Decor
4
Service
4
Hygiene
5
Value