影片
更多
2019-06-14
517 瀏覽
呢日約左朋友係APM睇戲，收工時間要係APM搵個地方坐低食飯其實都係一件難事。上左6樓戲院拎左戲飛先，望望呢層都有好幾間唔同既餐廳。有元氣、吉野家、潮館、丼丼屋、金記。元氣、丼丼屋同埋吉野家一如我所料肯定係排哂長龍，潮館著實無興趣，因為衛生情況太差啦行過去金記睇下餐牌，有一個菜式即時吸引到我，就係芭堤雅式燒倉魚因為我本身好鐘意食煎魚，特別係倉魚，仲要係芭堤雅式燒，搵唔到理由唔去試，加上唔洗等位。倉魚其實真係一種幾抵食既魚類，肉質嫩滑又少骨。而且魚肉唔會帶有太濃烈而令人反感既泥味，加上魚身大部份位置可以進食。煎又可以黃金鬆脆又唔容易煎爛魚身或者痴鑊。如果拎去清蒸或者豉汁蒸，都可以帶出魚鮮味，加強魚肉滑漏質感。而且價錢唔算太貴，係街市又容易買到，難怪倉魚菜式一直都受歡迎。玩左手機一陣倉魚好快黎到，睇佢外表煎到幾金黃，放上枱已即時聞到香味。表皮上應該係煎之前落左少少調味粉先落鑊，魚皮被煎得香脆不油膩，加上有調味料既加持，層魚皮真係好食過坊間既咸蛋炸魚皮。魚肉鮮嫩幼滑，點上餐廳自製既辣汁真係好夾！個辣汁係酸酸辣辣，有點似生蝦汁。個辣汁真係會令人胃口大開，呢個位真係加哂分
上左6樓戲院拎左戲飛先，望望呢層都有好幾間唔同既餐廳。有元氣、吉野家、潮館、丼丼屋、金記。
元氣、丼丼屋同埋吉野家一如我所料肯定係排哂長龍，潮館著實無興趣，因為衛生情況太差啦
行過去金記睇下餐牌，有一個菜式即時吸引到我，就係芭堤雅式燒倉魚
因為我本身好鐘意食煎魚，特別係倉魚，仲要係芭堤雅式燒，搵唔到理由唔去試，加上唔洗等位。
倉魚其實真係一種幾抵食既魚類，肉質嫩滑又少骨。
而且魚肉唔會帶有太濃烈而令人反感既泥味，加上魚身大部份位置可以進食。煎又可以黃金鬆脆又唔容易煎爛魚身或者痴鑊。如果拎去清蒸或者豉汁蒸，都可以帶出魚鮮味，加強魚肉滑漏質感。
而且價錢唔算太貴，係街市又容易買到，難怪倉魚菜式一直都受歡迎。
玩左手機一陣倉魚好快黎到，睇佢外表煎到幾金黃，放上枱已即時聞到香味。
表皮上應該係煎之前落左少少調味粉先落鑊，魚皮被煎得香脆不油膩，加上有調味料既加持，層魚皮真係好食過坊間既咸蛋炸魚皮。
魚肉鮮嫩幼滑，點上餐廳自製既辣汁真係好夾！個辣汁係酸酸辣辣，有點似生蝦汁。
個辣汁真係會令人胃口大開，呢個位真係加哂分
41 瀏覽
0 讚好
0 留言
題外話/補充資料：
餐廳環境比較窄，坐得有點辛苦
(以上食評乃用戶個人意見 , 並不代表OpenRice之觀點。)
張貼
