影片
更多
2019-08-18
314 瀏覽
星期六要去柴灣角做啲野，喺荃景圍天橋落車行過去，竟然比我發現咗一間隱世CAFE「COTI」🙆♀️.CAFE裝修以簡約風設計，配上雲石枱，環境整齊，舒服寫意～而MENU方面，以輕食為主，如吐司，三文治，沙律，全日餐等等，飲品就當然係COFFEE為主啦～.由於冇晒三文治，店員就幫我換成法式熱狗包😎法包烘得非常香脆，中間嘅雞扒用黑椒醃入味，再煎至微微焦香，配上流心蛋同爽脆生菜，真係一流！輕輕一咬，濃郁嘅蛋汁就即刻流晒出嚟，好JUICY😍.呢款ALL DAY已包括左沙律，雞扒，滑蛋同吐司～首先，雞扒煎得外脆內嫩，連雞皮都非常薄脆，多餘嘅油脂已經煎走晒😋由於用黑椒醃過，所以唔使加任何調味都已經好有味😍炒蛋口感滑溜，蛋味濃郁👍厚切吐司搽咗一層牛油同蒜粒，食落香脆又帶蒜香☺️.靚靚嘅心形拉花，仲有幾塊玫瑰花瓣， 令人賞心悅目💕咖啡富有濃郁鮮奶香，又有淡淡既玫瑰甜香，不錯！.野莓同西柚其實都幾MATCH~野莓嘅酸甜配上甘酸， 唔會過酸但又十分醒胃～.P.s 店員真係好熱情，同街坊鄰里熟絡之餘，即使我哋係第一次嚟，都FEEL到濃濃嘅人情味！
星期六要去柴灣角做啲野，喺荃景圍天橋落車行過去，竟然比我發現咗一間隱世CAFE「COTI」🙆♀️
.
CAFE裝修以簡約風設計，配上雲石枱，環境整齊，舒服寫意～而MENU方面，以輕食為主，如吐司，三文治，沙律，全日餐等等，飲品就當然係COFFEE為主啦～
.
由於冇晒三文治，店員就幫我換成法式熱狗包😎法包烘得非常香脆，中間嘅雞扒用黑椒醃入味，再煎至微微焦香，配上流心蛋同爽脆生菜，真係一流！輕輕一咬，濃郁嘅蛋汁就即刻流晒出嚟，好JUICY😍
.
呢款ALL DAY已包括左沙律，雞扒，滑蛋同吐司～首先，雞扒煎得外脆內嫩，連雞皮都非常薄脆，多餘嘅油脂已經煎走晒😋由於用黑椒醃過，所以唔使加任何調味都已經好有味😍炒蛋口感滑溜，蛋味濃郁👍厚切吐司搽咗一層牛油同蒜粒，食落香脆又帶蒜香☺️
.
靚靚嘅心形拉花，仲有幾塊玫瑰花瓣， 令人賞心悅目💕咖啡富有濃郁鮮奶香，又有淡淡既玫瑰甜香，不錯！
.
野莓同西柚其實都幾MATCH~野莓嘅酸甜配上甘酸， 唔會過酸但又十分醒胃～
.
P.s 店員真係好熱情，同街坊鄰里熟絡之餘，即使我哋係第一次嚟，都FEEL到濃濃嘅人情味！
張貼
