燒洒一族 (啟田商場) (已結業)

前日家姐生日，佢又最中意食豬手，特登上網搵到呢間燒洒一族。我本來淨係諗住叫豬手 點知見到其他都好吸引 就叫多左3個餸。最後total叫左4樣野食: 德式豬手，酒醉花雕雞，藥膳沙薑豬耳同酒醉薰蹄。講左個豬手先，佢會即場切到一片片，豬手好入味。個花雕雞酒味都好濃，但好多雞肉，肉都好滑。個藥膳沙薑豬耳，好爽同埋好重薑味。另外仲有，酒醉薰蹄好易入口。另外一提，佢酒醉系列嘅有啲枸杞系上面，有啲養生嘅感覺。推薦推薦！