馬祖台灣養生湯麵館 (V Point)

營業中

休息中

之前已經知馬祖台灣養生麵好味，今次去銅鑼灣V Point附近終於有機會食。 金次order咗蟲草花藥膳農場雞米線、澎湖特A級花枝丸米線，小食要左 藥膳上湯墨魚春卷，同埋藥膳上湯福茂貢丸，飲品就揀咗熱蜜糖茉莉花茶，同埋熱柑桔檸檬特飲。蟲草花藥膳農場雞米線絕對係首選，成碗麵份量超足，蟲草花又超多而且好有益好好味，最緊要d雞又滑又好有雞味，花枝丸就超級超級彈牙而且好大粒，好有海鮮味。米線好滑而且最緊要個湯底超有藥膳味，見到有多紅棗及其他等等嘅材料。 藥膳上湯墨魚春卷唔係其他地方經常有得食，咬落去好有口感。貢丸就有豬肉同埋食得出有香菇嘅味道。配埋兩杯特色台灣熱飲，依餐絕對有滿足感。