Peko Peko Eatery (康怡廣場北座) (已結業)

每次經過都俾佢個裝修吸引，終於有機會試試呢間餐廳。入到去，日式木系裝修，環境採光足夠，空間感十足，令人覺得好舒適。佢有啲卡位呈半圓形，藝術感十足又有私人空間，最啱比一班朋友邊食邊傾偈。叫咗佢最多人推薦嘅扇貝明太子意大利麵，個汁超級creamy，仲要係淡淡粉紅色，少女心大爆發！兩粒帶子煎香金黃，保持中間幼嫩，魚子同魚子醬都份量慷慨，加埋熟到啱啱好嘅溫泉蛋，好滿足呀！呢個質素我會再嚟，想試埋佢其他菜式，同埋咖啡飲品。