炙・宴 (利東街)

營業中

休息中

大細眼行過此處，有happy hr ，所有酒買一送一，約星期五歡輰，無得訂枱，要walk in. 我例牌遲，到達時大家已開始，红白酒只有一種@98,，果香，dry，已正在溶解雞軟骨$58，咯咯聲，咸香，脆骨，好正雞除味；枝豆$38，外皮咸咸地，咇出玉豆，飽滿，清甜；再來烤宫崎豬腩片$38，8小片，烤香焦甜，酒肉交纏！ 我揀威士忌，高大南亞男侍應（廣東話正）推介果味，但無酒味，好似飲西柚汁,第二杯揀回三得利梳打威士忌，有翻酒意趣。 來到要主餐宫崎牛肉鍋$179,點解牛肉的甜，不是肉甜，係日本豉油咸甜，因湯都係這樣味，令牛肉，無牛味，也令到其他蔬菜配料一樣味。 另一道就是炙燒北海道帶子海鲜丼$138,好正，魚子咸鮮，帶子及三文魚鲜，賣相跟相片差不多，炙燒味有但感覺不是即燒上枱，凍咗，焦香氣揮發咗些！ 炸蓮藕片，廚師送，叫試菜比評語，將會推出，香脆及薄過薯片，不咸，如加南乳，會否更惹味？要杯黑啤陪陪佢，Suntory draft black，甘香甜，啤酒苦澀味，無波打酒濃，奶滑，咁就完美這裡比銅鑼灣好多日本餐廳寬敞，潔亮。