影片
更多
2022-10-29
34 瀏覽
呢排見到到處都開咗呢間平民價嘅川菜，今日咁啱嚟到附近，一於試吓佢！✨一口小雲吞雲吞有好多種口味可以揀，我哋揀咗韭菜鮮肉同埋鮮蝦鮮肉。湯底仲有好多口味可以揀，我哋揀咗清雞湯。雲吞嘅皮好薄，入面有滿滿嘅肉餡，韭菜口味比較香口，而鮮蝦亦食到有彈牙嘅蝦肉。雖然雲吞細細粒一啖一件，但係一碗有成20粒真係好頂肚同好滿足！✨紅燒肉蔥油酥熱撈麵呢一個熱撈麵非常豐富，除咗有主菜紅燒肉同熱撈麵之外，仲有生菜、菜甫、蘿蔔等等嘅配菜！蔥油撈麵食落去甜甜地，但係又聞到好香嘅蔥味！紅燒肉肥瘦相間，炆到啲五花肉好軟哂，一啲都唔鞋口～✨孜然雞翼雞翼即叫即炸，灑上嘢味嘅孜然粉，非常吸引！雞翼炸到出面好香脆，咬開肉汁同油脂即刻流晒出嚟。開頭以為會好重口味，但係估唔到冇想像中咁鹹，孜然粉只係增添左佢嘅香氣，唔會令人覺得好Heavy。✨紅糖糍粑每次見到都忍唔住叫，糍粑出面吹口，一面煙煙韌韌。上面灑上左黃豆粉同埋紅糖，食落去唔會過分甜，但係又有紅糖獨有嘅香氣。✨手拍青瓜估唔到個份量有咁大碗，青瓜切成一粒粒嘅形狀，容易入口。特別之處係個醬汁除咗有平時食開嘅紅油、醬油等調味之外，仲加咗啲麻醬同花生醬，食落去有擔擔麵嘅湯底感覺！✨雪
呢排見到到處都開咗呢間平民價嘅川菜，今日咁啱嚟到附近，一於試吓佢！
✨一口小雲吞
雲吞有好多種口味可以揀，我哋揀咗韭菜鮮肉同埋鮮蝦鮮肉。湯底仲有好多口味可以揀，我哋揀咗清雞湯。雲吞嘅皮好薄，入面有滿滿嘅肉餡，韭菜口味比較香口，而鮮蝦亦食到有彈牙嘅蝦肉。雖然雲吞細細粒一啖一件，但係一碗有成20粒真係好頂肚同好滿足！
✨紅燒肉蔥油酥熱撈麵
呢一個熱撈麵非常豐富，除咗有主菜紅燒肉同熱撈麵之外，仲有生菜、菜甫、蘿蔔等等嘅配菜！蔥油撈麵食落去甜甜地，但係又聞到好香嘅蔥味！紅燒肉肥瘦相間，炆到啲五花肉好軟哂，一啲都唔鞋口～
✨孜然雞翼
雞翼即叫即炸，灑上嘢味嘅孜然粉，非常吸引！雞翼炸到出面好香脆，咬開肉汁同油脂即刻流晒出嚟。開頭以為會好重口味，但係估唔到冇想像中咁鹹，孜然粉只係增添左佢嘅香氣，唔會令人覺得好Heavy。
✨紅糖糍粑
每次見到都忍唔住叫，糍粑出面吹口，一面煙煙韌韌。上面灑上左黃豆粉同埋紅糖，食落去唔會過分甜，但係又有紅糖獨有嘅香氣。
✨手拍青瓜
估唔到個份量有咁大碗，青瓜切成一粒粒嘅形狀，容易入口。特別之處係個醬汁除咗有平時食開嘅紅油、醬油等調味之外，仲加咗啲麻醬同花生醬，食落去有擔擔麵嘅湯底感覺！
✨雪梨茶
估唔到雪梨味咁濃郁，有少少好似直接飲緊雪梨汁嘅感覺。但又唔會太甜。一飲落去個茶底飲到淡淡的茉莉花香，好適合用嚟配呢啲比較重口味嘅食物。
張貼
