影片
更多
2019-11-13
37 瀏覽
秋風起又係時候食臘味，遠遠見到凱逸餐廳有煲仔飯賣，又過黎烘下先。秋冬限定的煲仔飯，即叫即煲好似幾正咁喎。埋位即刻整返杯凍奶茶先，茶底幾得喎，奶滑又夠晒凍，好飲。粟米魚塊哈哈，而加無人咁叫粟米班塊啦，明明一向都係咁叫開㗎嘛。魚塊唔算厚粉，炸得香脆，魚肉幾滑，無骨啖啖肉小朋友最喜歡，粟米汁略微杰身少少，但味道不錯。椒鹽豬扒炸得好香口呀，椒鹽夠多又入味，已切小塊，只有少少骨都好易食，雖然係炸，又唔係太油膩喎，可能有米粉墊底？是日例湯係紅青蘿蔔豬骨湯，濃濃的但非師傅調味，最正係夠晒熱，好飲。白飯有進步，粒粒分明軟硬適中，熱辣辣就係正。秋冬嘅新餐牌，小朋友唔太鍾意臘味就無點了，下次吧。總括黎講，價錢唔貴份量又大碟，上菜快（除左煲仔飯真係要等），晚飯嘅好選擇呢。
秋冬限定的煲仔飯，即叫即煲好似幾正咁喎。
埋位即刻整返杯凍奶茶先，茶底幾得喎，奶滑又夠晒凍，好飲。
粟米魚塊
哈哈，而加無人咁叫粟米班塊啦，明明一向都係咁叫開㗎嘛。魚塊唔算厚粉，炸得香脆，魚肉幾滑，無骨啖啖肉小朋友最喜歡，粟米汁略微杰身少少，但味道不錯。
椒鹽豬扒
炸得好香口呀，椒鹽夠多又入味，已切小塊，只有少少骨都好易食，雖然係炸，又唔係太油膩喎，可能有米粉墊底？
是日例湯係紅青蘿蔔豬骨湯，濃濃的但非師傅調味，最正係夠晒熱，好飲。
白飯有進步，粒粒分明軟硬適中，熱辣辣就係正。
秋冬嘅新餐牌，小朋友唔太鍾意臘味就無點了，下次吧。總括黎講，價錢唔貴份量又大碟，上菜快（除左煲仔飯真係要等），晚飯嘅好選擇呢。
張貼
