影片
更多
2009-10-26
39 瀏覽
今日去開中環都特登走落去食。因怕星期六多人,預早5:50pm就去到食晚飯。兩個人都食左好多野,我地係分左兩輪黎叫既,因為叫左第一輪先發玩下既野較細碟,最後要加碼。食左既野有以下:1.雞絲粉皮($40):味道本身唔差,落麻醬都好重手,但係就有一個好致命既缺點,就係唔凍!一d都唔凍!身為一個冷盤但係唔凍而係暖既,好唔得!而且好細碟,唔抵食。2.小籠包($20/4粒):正!真係好好味,皮好薄,裏面有好多湯汁,又夠熱,唯一美中不足就係d肉較散,感覺削了一點。但係都好好食!3.韭菜餃($18/3粒):唔夠小籠包咁好食,味道清淡左少少,肉較少,大大粒成鍋貼咁既形,皮同小籠包一樣咁薄。4.擔擔麵($38):呢個麵都無令我失望,雖然部長落漏左單,搞到我地等左40分鐘先有得食,但係佢都好有禮貌,算佢啦!湯夠濃夠辣,有濃郁花生香,唔會成碗水咁,麵質可以,去到一定要試。5.蘿蔔絲酥餅($20/3):夠熱,即叫即整,皮夠層次分明,裏面除左蘿蔔絲之外仲有d蔥係樹,夠香口,可惜味道唔夠濃,唔夠咸,可能佢唔想羅左蘿蔔既香味啦,調味落少左,淡左d。6.唔記得左個名的麵($38):類似炒什錦麵,裏面咩都有,雞,豬肉,豬
食左既野有以下:
1.雞絲粉皮($40):味道本身唔差,落麻醬都好重手,但係就有一個好致命既缺點,就係唔凍!一d都唔凍!身為一個冷盤但係唔凍而係暖既,好唔得!而且好細碟,唔抵食。
2.小籠包($20/4粒):正!真係好好味,皮好薄,裏面有好多湯汁,又夠熱,唯一美中不足就係d肉較散,感覺削了一點。但係都好好食!
3.韭菜餃($18/3粒):唔夠小籠包咁好食,味道清淡左少少,肉較少,大大粒成鍋貼咁既形,皮同小籠包一樣咁薄。
4.擔擔麵($38):呢個麵都無令我失望,雖然部長落漏左單,搞到我地等左40分鐘先有得食,但係佢都好有禮貌,算佢啦!湯夠濃夠辣,有濃郁花生香,唔會成碗水咁,麵質可以,去到一定要試。
5.蘿蔔絲酥餅($20/3):夠熱,即叫即整,皮夠層次分明,裏面除左蘿蔔絲之外仲有d蔥係樹,夠香口,可惜味道唔夠濃,唔夠咸,可能佢唔想羅左蘿蔔既香味啦,調味落少左,淡左d。
6.唔記得左個名的麵($38):類似炒什錦麵,裏面咩都有,雞,豬肉,豬肚,雞"神",荀等等,全部切大粒煮成辣醬,雖然唔夠我阿媽炒個d咁好食,但係佢都算係幾好,夠足料,唔太辣。
平均黎講,食物質素高於水準,碟頭細但價錢ok,兩個人食左$172。好飽好飽!
走時差唔多7點3個字,勁多人排隊!感覺好滿足,有幾會一定要再試!
張貼
