林仔茶檔 (已結業)

同阿女去油麻地買嘢，搵地方食飯時經過一間餐廳叫林仔茶檔，店內裝修時尚，燈光明亮，餐牌食物多元化，阿女話不如一齊入去試吓！下單後送上中湯，味道清甜，可以潤潤喉。千島脆蝦球：蝦球外層酥脆，蝦肉大隻爽口彈牙，醬汁酸甜滋味,恰好除去蝦球的油脂。藥膳雞湯飯：熱辣辣原煲上枱，一打開蓋清香的藥材味立即撲鼻而來，藥材雞件份量頗多，非常足料，湯頭飲落好甘甜帶點藥膳味，雞肉亦好嫩滑，並配送白飯一碗。太極鴛鴦飯：炒飯賣相好吸引，色彩鮮艷奪目，洋蔥蕃茄雞絲茄汁，酸香開胃，蝦仁菜粒白汁，爽口鮮甜，配蛋炒飯十分美味。