INN - I’m Not Nothing

營業中

休息中

最近同老公發現長沙灣MCL睇戲好平，咁今晚就出動去睇戲，順便可以去D2 place 行下。行完睇戲前喺附近搵咗間西餐廳就想去試吓。我覺得餐廳環境俾人一種好放鬆嘅小清新感覺，座位都好闊落。燒10安士安格斯肉眼牛扒伴紅酒燒汁:牛扒上枱時已經切好曬，非常貼心。份量好多，而且每片都非常之厚身。我哋叫咗五成熟，我覺得啱啱好，完全保留咗牛扒嘅肉汁，食落口感一啲都唔韌，而且我覺得牛味好重。配菜都非常之豐富有煎香咗嘅車厘茄，紅蘿蔔，仲有薯條半碟。意大利煙豬面頰肉卡邦尼意粉 :比較少訂西餐廳有豬面頰食，加上我非常之鍾意食卡邦尼意粉，所以就掂咗嚟試吓。果然冇令我失望，豬面頰嘅煙熏味唔算好重，但係肉質軟滑。再配上餐廳嘅卡邦尼醬蛋黃味比較重，入口已經有香濃蛋香。因為唔想食咁飽，所以今次就冇加到套餐，整體而言我覺得呢間餐廳都幾適合情侶或者兩公婆去過吓二人世界，下次有機會一定會再試埋個套餐。