Hosea (已結業)

之前同朋友喺呢邊做gym，見到有好多唔同嘅餐廳，都好想嚟試吓，而且我哋住得近，所以今次特別過嚟試。我哋叫咗一個一人套餐，另外再加左一個主食。沙律比較特別，係水果沙律配啲生菜。套餐揀咗雙層芝士魚柳包配薯條魚柳有兩件，個包都有烘底帶好重牛油味，魚柳炸得好香脆，配埋邪惡嘅芝士，有意外驚喜😆。薯條係即炸，份量好多。追加咗蜜糖芥末雞翼，總共有三隻，雞翼炸得香脆，上面有蜜糖芥茉醬。 👅水蜜桃冰紅茶唔會太甜，啱晒唔鍾意飲太甜嘅我！另外叫左香煎蘆筍意大利飯帶子有三大粒，煎到金黃色，有好多蘆筍同埋蘑菇，食落超級好食，忌廉味好出，非常推薦要試👍🏽