杏甜品 (豉油街) (已結業)

同朋友行街行到攰想食啲甜品補充吓體力見到依間新開嘅甜品店入面裝修以淺綠色配木系枱櫈有種小清新嘅感覺🌱雖然門口有温提有限時但waitress姐姐完全無催我哋落單見我哋花多眼亂 諗唔到食咩時仲俾咗張Top 10甜品menu我哋參考之後啲甜品到齊 見我哋想影合照 又主動幫我哋揸機 服務一流👍🏻我哋嗌咗 芒椰木蓮凍 同 泰國金鏢龍眼爽冰芒椰木蓮凍 用木製碗上 入面配料好色彩繽紛 打卡之選食落又唔會好甜好膩😋龍眼爽冰 啲冰好綿密 加埋龍眼肉一齊食 一流！值得一提嘅係檯面除咗有乾花點綴仲有紙巾同消毒搓手液係疫情下預備依啲消毒物品俾客 真係好貼心🫶🏻