影片
更多
2021-12-27
682 瀏覽
今日出開嚟大埔郊遊，夜晚喺汀角路嗰頭搵嘢食。見到有間新開，比較家庭式嘅牛肉定食，就入去試下先。舖頭位置唔大，勝在夠光猛、企理,感覺平民化啲。同老公嗌咗三樣嘢食：一口忌廉蟹肉薯餅（3件）$2525蚊三舊幾抵食。新鮮炸起熱辣辣，一咬落去就已經爆漿，幾脆口，唔錯。令我更加期待主食。美國Prime牛小排定食$168（配龍蝦沙律及白飯）店員話除咗牛小排之外，其他定食牛可選吉列牛或原片燒肉。成個配套嚟講都幾唔錯。紅肉火龍果柚子沙律，幾清新。飯嘅面頭畀左好多飯素😋。燒牛方面，爐端燒好睇亦好玩。牛肉油脂分佈好平均。可能牛小排比較薄切，牛味唔算好出。用隨餐附送嘅淡醬油同鹽吊返出個味會好啲。極尚刺身丼（$168）呢款限量發售刺身丼嘅配料十分豐富！包括左日本帆立貝、日本甜蝦、吞拿魚蓉及蟹膏。吞拿魚蓉同蟹膏嘅份量俾得好大方🤩加埋香蔥，啖啖吞拿魚蓉嘅比例比飯仲要多，大滿足~ 帆立貝同甜蝦刺身嘅Size都比想像中大，鮮味都OK嘅。特別的是，呢個飯底好有心思，用左蟹肉、蟹籽，然後加入左口魚邊，將佢啲酒逼晒出嚟，再滲番入個飯度。除左令到個口感再Rich左之外，淨係呢啲心思已經非常有誠意。老闆一啲都唔好脾氣，好友善呀😂
一口忌廉蟹肉薯餅（3件）$25
25蚊三舊幾抵食。新鮮炸起熱辣辣，一咬落去就已經爆漿，幾脆口，唔錯。令我更加期待主食。
美國Prime牛小排定食$168
（配龍蝦沙律及白飯）
店員話除咗牛小排之外，其他定食牛可選吉列牛或原片燒肉。成個配套嚟講都幾唔錯。紅肉火龍果柚子沙律，幾清新。飯嘅面頭畀左好多飯素😋。燒牛方面，爐端燒好睇亦好玩。牛肉油脂分佈好平均。可能牛小排比較薄切，牛味唔算好出。用隨餐附送嘅淡醬油同鹽吊返出個味會好啲。
極尚刺身丼（$168）
呢款限量發售刺身丼嘅配料十分豐富！包括左日本帆立貝、日本甜蝦、吞拿魚蓉及蟹膏。吞拿魚蓉同蟹膏嘅份量俾得好大方🤩加埋香蔥，啖啖吞拿魚蓉嘅比例比飯仲要多，大滿足~ 帆立貝同甜蝦刺身嘅Size都比想像中大，鮮味都OK嘅。
特別的是，呢個飯底好有心思，用左蟹肉、蟹籽，然後加入左口魚邊，將佢啲酒逼晒出嚟，再滲番入個飯度。除左令到個口感再Rich左之外，淨係呢啲心思已經非常有誠意。
老闆一啲都唔好脾氣，好友善呀😂，可能家庭式經營係會上心啲。佢平時都有啲午市套餐，價錢都ok呀。
張貼
