影片
更多
2022-08-20
23 瀏覽
💕串點燒烤美食隱世嘅高質串燒店，就喺H8旁邊嘅小巷🏙小店店面唔大但人情味滿滿，老闆熱情好客，仲燒得一手好串燒🤭除咗燒雞翼、五花肉，餐牌嘅海鮮選擇都唔少，連雞粥都有㖭🧡.🌈燒蒙古羊架老闆誠意推介🍗羊架啖啖肉，軟腍有肉汁，邊位燒得焦香，羶味恰到好處，老闆果然無介紹錯👍🏽.🌈燒五花腩肉外皮燒得香口，有油香，點咗一串麻辣一串原味，各有風味😋.🌈燒蒜蓉茄子食燒烤，當然要食燒茄子🍆鋪滿辣椒、蒜蓉，特別之處係加咗菜脯，呢個配搭好有新鮮感🥰.🌈錫紙焗花甲花甲size細細隻但十分鮮甜，錫紙燒保留原有鮮味，清清哋幾好味.🌈燒牛舌口感juicy，灑上芝麻更加香口.🌈燒大雞翼/ 雞腎/雞軟骨串燒必食3寶，雞翼係脆皮㗎🤗雞腎同雞軟骨外層香口內裡依然肉汁滿滿.特別鍾意佢地嘅串燒唔會只有孜然味，唔同嘅食材會以原味或者加上辣椒粉上枱，所以食每串都有唔同感覺😍.🌈燒台灣蒜香腸真心鍾意台灣腸，食串燒都不忘叫返一份🤣係蒜香味㗎，正！.🌈錫紙焗娃娃菜娃娃菜份量都唔少，簡單以蒜蓉、辣椒調味，剛好中和一吓食肉嘅油膩感☘️.食串燒當然會想飲吓酒，小店有齊清酒、燒酒、紅白酒、啤酒等等，好適合三五知己飲吓酒歎吓串燒
隱世嘅高質串燒店，就喺H8旁邊嘅小巷🏙小店店面唔大但人情味滿滿，老闆熱情好客，仲燒得一手好串燒🤭
除咗燒雞翼、五花肉，餐牌嘅海鮮選擇都唔少，連雞粥都有㖭🧡
.
🌈燒蒙古羊架
老闆誠意推介🍗羊架啖啖肉，軟腍有肉汁，邊位燒得焦香，羶味恰到好處，老闆果然無介紹錯👍🏽
.
🌈燒五花腩肉
外皮燒得香口，有油香，點咗一串麻辣一串原味，各有風味😋
.
🌈燒蒜蓉茄子
食燒烤，當然要食燒茄子🍆鋪滿辣椒、蒜蓉，特別之處係加咗菜脯，呢個配搭好有新鮮感🥰
.
🌈錫紙焗花甲
花甲size細細隻但十分鮮甜，錫紙燒保留原有鮮味，清清哋幾好味
.
🌈燒牛舌
口感juicy，灑上芝麻更加香口
.
🌈燒大雞翼/ 雞腎/雞軟骨
串燒必食3寶，雞翼係脆皮㗎🤗
雞腎同雞軟骨外層香口內裡依然肉汁滿滿
.
特別鍾意佢地嘅串燒唔會只有孜然味，唔同嘅食材會以原味或者加上辣椒粉上枱，所以食每串都有唔同感覺😍
.
🌈燒台灣蒜香腸
真心鍾意台灣腸，食串燒都不忘叫返一份🤣係蒜香味㗎，正！
.
🌈錫紙焗娃娃菜
娃娃菜份量都唔少，簡單以蒜蓉、辣椒調味，剛好中和一吓食肉嘅油膩感☘️
.
食串燒當然會想飲吓酒，小店有齊清酒、燒酒、紅白酒、啤酒等等，好適合三五知己飲吓酒歎吓串燒
張貼
