影片
更多
2019-12-06
341 瀏覽
一入到去，餐廳環境好有日本特色，仲好寧靜，啱晒啲想靜靜地同朋友食餐飯吹下水嘅人。首先，上左枱嘅係麵豉湯。材料非常豐富，味道非常濃郁。.主食方面，我哋嗌左特盛鰻魚丼($128)。名副其實地，一上枱，大半個碗都係鰻魚。味道方面，鰻魚同照燒汁嘅配搭非常之好，鰻魚嘅肉質係非常之結實，好有咬口，啲肉唔會梅晒。.另外，我哋仲嗌咗個九丁目四色刺身丼（$168）。四色刺身分別係三文魚，海膽，三文魚子，帶子。三文魚非常之肥美，入口即溶。海膽非常之清甜，食落去感覺非常新鮮，咬落香甜又唔腥。三文魚子，一咬落去啲汁爆曬出嚟，好似喺口入面翻起左一陣巨浪咁樣。帶子好新鮮又乾淨，係眾多濃味嘅刺身當中佢嗰種清新亦係非常有特色。跟餐仲有一個日式蒸蛋同埋三點天婦羅，都係不容錯過。.另外，我哋仲特登嗌咗個飛驒和牛刺身($138)。一上枱就見到佢嘅油花非常之均勻。生牛肉作為刺身嘅質感，非常之新奇。再配合佢牛肉嘅味道同埋酸咪咪嘅汁，簡直就係天堂一般嘅享受。最後我哋仲有一個岩石燒牛小排($98)。肉味香濃油分均勻嘅牛肉喺石板上面，燒得滋滋聲，令人食指大動。再配合呢個喜馬拉雅山岩鹽，獨特嘅鹹味將佢嘅肉味昇華到另外一個嘅層次。總括嚟
首先，上左枱嘅係麵豉湯。材料非常豐富，味道非常濃郁。
.
主食方面，我哋嗌左特盛鰻魚丼($128)。名副其實地，一上枱，大半個碗都係鰻魚。味道方面，鰻魚同照燒汁嘅配搭非常之好，鰻魚嘅肉質係非常之結實，好有咬口，啲肉唔會梅晒。
.
另外，我哋仲嗌咗個九丁目四色刺身丼（$168）。四色刺身分別係三文魚，海膽，三文魚子，帶子。三文魚非常之肥美，入口即溶。海膽非常之清甜，食落去感覺非常新鮮，咬落香甜又唔腥。三文魚子，一咬落去啲汁爆曬出嚟，好似喺口入面翻起左一陣巨浪咁樣。帶子好新鮮又乾淨，係眾多濃味嘅刺身當中佢嗰種清新亦係非常有特色。跟餐仲有一個日式蒸蛋同埋三點天婦羅，都係不容錯過。
.
另外，我哋仲特登嗌咗個飛驒和牛刺身($138)。一上枱就見到佢嘅油花非常之均勻。生牛肉作為刺身嘅質感，非常之新奇。再配合佢牛肉嘅味道同埋酸咪咪嘅汁，簡直就係天堂一般嘅享受。
最後我哋仲有一個岩石燒牛小排($98)。肉味香濃油分均勻嘅牛肉喺石板上面，燒得滋滋聲，令人食指大動。再配合呢個喜馬拉雅山岩鹽，獨特嘅鹹味將佢嘅肉味昇華到另外一個嘅層次。
總括嚟講，五百幾蚊食到咁多咁好食嘅日本料理，cp值係非常之高嘅！
張貼
