Noc Noc

營業中

休息中

在大埔直街越開越多餐廳之後，就多左去呢條街試新餐廳，以往黎開呢頭都係黎飲茶，但自從呢到又有雞煲，又有西餐，日餐。。。乜都有既時候，呢到既人流都多左，等位都要多d 時間，不過今晚落雨同埋時間尚早，對於酒吧黎講真係一去到就有位可以坐底。一睇餐牌就見到一個好吸睛既菜👇🏻👇🏻煲仔青口 1/2KG $198 1KG $298揀了半公斤的選擇，平時食西餐見到呢個dish，最期待係有d 乜野汁可以揀，呢到有白酒忌廉汁，蕃茄香草汁，同埋冬蔭，要不是對面的唔食辣又唔飲酒，我應該會first choice 想揀冬蔭味，最後當然係揀左最保守又唔會錯既蕃茄香草汁，原本另外點左一個小食蒜蓉包，諗著用黎點汁食，點知原來default 已經有配埋蒜蓉包，貼心既店員就話可以幫我地cancel 左個額外點的蒜蓉包，等我地唔洗食唔哂👍🏻👍🏻蒜蓉包有驚喜，十分脆口，點青口汁同唔點都一樣好食，另外青口是大隻款，食落啖啖肉，配埋湯汁一起食好似飲緊青口湯咁，十分美味😋另外都食左一個好特別既main dish芝士雞肉墨西哥夾餅 $98表面上看似平平無其的夾餅，餅皮薄而餡多，芝士落得很大方，讓我呢個芝士控表示十分滿意，加埋墨西哥風既